ក្រសួងមហាផ្ទៃ ណែនាំឱ្យបក្សមហាសាមគ្គីជាតិខ្មែរ ដាក់ពាក្យបណ្ដឹងទៅប៉ុស្ដិ៍នគរបាលរដ្ឋបាលជាមុនសិន ដើម្បីស្នើសុំបញ្ជាក់ភាពស្របច្បាប់របស់ខ្លួន
ភ្នំពេញ៖ ក្រសួងមហាផ្ទៃ បានស្នើឱ្យគណបក្សមហាសាមគ្គីជាតិខ្មែរ ត្រូវដាក់ពាក្យបណ្តឹងទៅប៉ុស្តិ៍នគរបាលរដ្ឋបាលសង្កាត់ នៃទីស្នាក់ការកណ្តាលគណបក្សជាមុនសិន ក្នុងករណីស្នើសុំបញ្ជាក់ភាពស្របច្បាប់របស់គណបក្សមហាសាមគ្គីជាតិខ្មែរ ដែលបានចុះឈ្មោះក្នុងបញ្ជីគណបក្សនយោបាយ ក្រសួងមហាផ្ទៃ។
តាមរយៈលិខិតរបស់ក្រសួងមហាផ្ទៃ សម្រាបជូន លោក ហ៊ាង គឹមស្រឿន ប្រធានស្ដីទីគណបក្សមហាសាមគ្គីជាតិខ្មែរ នាថ្ងៃទី១៧ ខែឧសភា ឆ្នាំ២០២៣ បានឱ្យដឹងថា ពាក់ព័ន្ធនឹងករណីស្នើសុំបញ្ជាក់ភាពស្របច្បាប់របស់គណបក្សមហាសាមគ្គីជាតិខ្មែរ ក្រសួងមហាផ្ទៃ ស្នើឱ្យគណបក្សមហាសាមគ្គីជាតិខ្មែរ ត្រូវដាក់ពាក្យបណ្តឹងទៅប៉ុស្តិ៍នគរបាលរដ្ឋបាលសង្កាត់ នៃទីស្នាក់ការកណ្តាលគណបក្ស។
បន្ទាប់មកត្រូវមានកំណត់ហេតុ ស្ដីពីការបាត់បង់បញ្ជាក់ដោយប៉ុស្តិ៍នគរបាលរដ្ឋបាលរួចហើយ សាមីគណបក្សត្រូវដាក់ពាក្យស្នើសុំមកក្រសួងមហាផ្ទៃសារជាថ្មី៕
