ឯកឧត្តម ម៉ែន អេង ដឹកនាំកិច្ចប្រជុំណែនាំលំអិត ពីកិច្ចការសំខាន់ៗមួយចំនួន ដើម្បីត្រៀមប្រឡងជ្រើសរើស បេក្ខជនឲ្យចូលបម្រើការងារ នៅរដ្ឋបាលក្រុងបាវិត
ភ្នំពេញ៖ ឯកឧត្តម ម៉ែន អេង អភិបាលរងខេត្តស្វាយរៀង និងជាអនុប្រធានគណៈកម្មការរៀបចំការប្រឡងប្រជែងជ្រើសរើសបេក្ខជនឲ្យចូលបម្រើការងារជាមន្រ្តីរាជការនៅរដ្ឋបាលក្រុងបាវិត សម្រាប់ផែនការក្របខ័ណ្ឌឆ្នាំ២០២៣ តំណាងឯកឧត្តម ម៉ែន វិបុល អភិបាលខេត្ត នៅថ្ងៃទី១៨ ខែឧសភា ឆ្នាំ២០២៣នេះ បានអញ្ជេីញដឹកនាំកិច្ចប្រជុំស្តីពីការណែនាំលំអិតអំពីកិច្ចការសំខាន់ៗ មួយចំនួនជូនដល់ប្រធាន អនុប្រធាន និងសមាជិក សមាជិកា នៃអនុគណៈកម្មការមេប្រយោគ អនុគណៈកម្មការកណ្តាល អនុគណៈកម្មការអប្បមាទ អនុគណៈកម្មការអនុរក្ស និងអនុគណៈកម្មកាសន្តិសុខ ដែលចំណុះឲ្យគណៈកម្មការខេត្តរៀបចំការប្រឡងប្រជែង ដើម្បីជាការត្រៀមលក្ខណៈនៅក្នុងកិច្ចដំណើរការប្រឡង ឲ្យទទួលបានលទ្ធផលល្អប្រសើរ ស្របតាមផែនការ សកម្មការងារដែលបានគ្រោងទុក។
សូមបញ្ជាក់ថា ការប្រឡង ប្រព្រឹត្តិទៅរយៈពេល១ព្រឹក នៅថ្ងៃអាទិត្យ ទី២១ ខែឧសភា ឆ្នាំ២០២៣ នៅមណ្ឌលប្រឡងវិទ្យាល័យស្វាយរៀង ស្ថិតនៅក្នុងក្រុងស្វាយរៀង ខេត្តស្វាយរៀង ៕
