សង្ស័យតៃកុង ងងុយដេកបើកឡាន CAMRY រេចង្កូតចូលគន្លងម្ខាងទៀត ទៅបុកម៉ូតូចំពេញទំហឹង បណ្ដាលឲ្យអ្នកបើកម៉ូតូ បែកសាច់ជាបំណែកៗ
ភ្នំពេញ៖ មានគ្រោះថ្នាក់ចរាចរណ៍ បណ្ដាលឱ្យជនរងគ្រោះបែកសាច់ ជាបំណែកៗគួរឲ្យរន្ធត់ បង្កឡើងដោយរថយន្ត CAMRY ស៊េរីចាស់ ប្រហែលតៃកុងឡាន ងោកមួយភាំងស្រាប់តែរេចង្កូតចូលគន្លងម្ខាងទៀតទៅបុកម៉ូតូចំពេញទំហឹង បណ្តាលឱ្យអ្នកបើកម៉ូតូបានបាត់បង់ជីវិតនៅនឹងកន្លែងភ្លាមៗ នៅលើកំណាត់ផ្លូវជាតិលេខ២ ចន្លោះបង្គោលគីឡូម៉ែត្រទី៥០-៥១ ភ្នំពេញ-តាកែវ ម្ដុំវត្តប្រសាទនាងខ្មៅ ស្ថិតក្នុងភូមិថ្មី ឃុំរវៀង ស្រុកសំរោង ខេត្តតាកែវ នៅវេលាម៉ោង ១១:៣០នាទីថ្ងៃត្រង់ ថ្ងៃទី២០ ខែឧសភា ឆ្នាំ២០២៣នេះ ។
