អាវុធហត្ថខេត្តតាកែវ បង្រ្កាបករណីគ្រឿងញៀនឃាត់ខ្លួនជនសង្ស័យចំនួន៣នាក់ នៅស្រុកគិរីវង់
ភ្នំពេញ៖ ដោយបានទទួលបទបញ្ជា លោកឧត្តមសេនីយ៍ត្រី សេង មហាមេបញ្ជាការ និងសម្របសម្រួលនីតិវិធី ឯកឧត្តម ឯក ឆេងហួតព្រះរាជអាជ្ញាអមសាលាដំបូងខេត្តតាកែវ បានចុះបង្ក្រាបករណីជួញដូរ និងប្រើប្រាស់គ្រឿងញៀន នៅចំណុចភូមិស្លា ឃុំតាអូ ស្រុកគិរីវង់ ខេត្តតាកែវ កាលពីថ្ងៃទី២៣ ខែឧសភា ឆ្នាំ២០២៣ ដោយឃាត់ខ្លួនជនសង្ស័យចំនួន៣នាក់បានជាបន្តបន្ទាប់រួមមាន ទី១ឈ្មោះ ស៊ុម ទី ភេទប្រុសអាយុ ៤២ ឆ្នាំជនជាតិខ្មែរ មុខរបរកសិករ រស់នៅភូមិស្លា ឃុំតាអូ ស្រុកគីរីវង់ ខេត្តតាកែវ ជួញដូររក្សាទុក ប្រើប្រាស់ (ទើបចេញពន្ធនាគារ )។
ដកហូតវត្ថុតាងមាន:
– ម្សៅក្រាមពណ៌សថ្លាចំនួន០៦កញ្ចប់ (ធំ០៣ តូច០៣)
ទម្ងន់ : ១១,១៦ក្រាម (ថ្លឺងទាំងសំបក់ថង់)
– ទូរសព្ទ័ចំនួន០២គ្រឿង ( ម៉ាកវិវ៉ូ និង អិនចុចពិល)
– សម្ភារៈវេចខ្ចប់និងសម្ភារៈសេពថ្នាំញៀនមួយចំនួន។
ក្រោយពីស្ដាប់ចម្លើយជនសង្ស័យឈ្មោះសំ ទី ឆ្លើយសារភាពថាថ្នាំញៀន ដែលសមត្ថកិច្ចបានដកហូតពីខ្លួនៗ ទិញពី បុរសម្នាក់ ឈ្មោះ ទិត រស់នៅម្ដុំភូមិពោធិ ឃុំព្រះបាទជាន់ជុំ ស្រុកគិរីវង់ ខេត្តតាកែវ ទើបកម្លាំងយើងឈានទៅឃាត់ខ្លួនជនសង្ស័យឈ្មោះទិត នៅចំណុចផ្លូវលំ។
ដករហូតវត្ថុតាងមាន:
– ម្សៅក្រាម០១កញ្ចប់ ទម្ងន់:៣,៧៧ក្រាម
( ថ្លឹងទាំងសំបក់ថង់)
– ទូរសព្ទ័ចំនួន០២គ្រឿង (អូប៉ូ វីវ៉ូ )
– ម៉ូតូ ០១គ្រឿង ហុងដាសង់ សេរី២១ ពណ៌ខ្មៅ ស្លាលេខ ភព 1 IW 6998។
ក្រោយពីបានស្ដាប់ចម្លើយ ជនសង្ស័យឈ្មោះ ទិត បានឆ្លើយប្រាប់សមត្ថកិច្ចយើងថា ថ្នាំញៀននេះ ឈ្មោះបងនាគ ហៅចំណាប់ ជាអ្នកប្រើខ្ញុំយកថ្នាំញៀនទៅអោយគេរួចសមត្ថកិច្ចយើងបានធ្វើការឃាត់ខ្លួន ឈ្មោះនាគ ហៅចំណាប់ ភេទប្រុស អាយុ៣៦ឆ្នាំ មុខរបរមិនពិតប្រាកដ ស្រុកកំណើតភូមិសេរីភាព ឃុំដើមមាន ស្រុកតាខ្មៅ ខេត្តកណ្ដាល បច្ចុប្បន្នមកស្នាក់នៅស្រុកគិរីវង់ ខេត្តតាកែវ។
ដកហូតសម្ភារៈមាន:
– សម្ភារៈសេពថ្នាំញៀនមួយចំនួន
– កាំភ្លើងកែច្នៃបាញ់គ្រាប់កង់ចំនួន ០១
– កាំបិតចំនួន ០១
– ទូរសព្ទចំនួន ០២គ្រឿង( សាំសុងនិង ហៃយ៉ាប្រើសុីម)
– ម៉ូតូចំនួនមួយគ្រឿងម៉ាកហុងដា សុីរស់ពណ៏ខ្មៅ គ្មានផ្លាកលេខ
– អត្តសញ្ញាណប័ណ្ណខ្មែរសន្លឹក (គុបពី)
– ឯកសណ្ឋាននគរបាលជាតិខោចំនួន ០៣ អាវចំនួន០៥។
បច្ចុប្បន្នជនសង្ស័យទាំង០៣នាក់ រួមនិងវត្ថុតាង បានឃាត់ខ្លួននិងរក្សាទុកនៅទីបញ្ជាការកងរាជអាវុធខេត្ត កសាងសំណុំរឿងបញ្ជូនទៅសាលាដំបូងខេត្ត ចាត់ការតាមនិតិវិធី៕
