ឯកឧត្តម យឹម ឆៃលី អញ្ជើញសំណេះសំណាលជាមួយសមាជិកសមាជិកា គណបក្សប្រជាជនកម្ពុជា នៅក្នុងសង្កាត់បឹងកុក និងសង្កាត់កំពង់ចាម ក្រុងកំពង់ចាម
ភ្នំពេញ៖ ឯកឧត្តមវេជ្ជបណ្ឌិត យឹម ឆៃលី ឧបនាយករដ្ឋមន្ត្រី សមាជិកគណៈអចិន្ត្រៃយ៍គណៈកម្មាធិការកណ្តាល និងជាប្រធានក្រុមការងារថ្នាក់ជាតិ និងគណបក្សចុះជួយខេត្តកំពង់ចាម នាព្រឹកថ្ងៃសៅរ៍ ៨កើត ខែជេស្ឋ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៧ ខែឧសភា ឆ្នាំ២០២៣ បានអញ្ជើញជាអធិបតីក្នុងពិធីសំណេះសំណាលជាមួយសមាជិកសមាជិកា គណបក្សប្រជាជនកម្ពុជា នៅក្នុងសង្កាត់បឹងកុក និងសង្កាត់កំពង់ចាម ក្រុងកំពង់ចាម នៅសាលប្រជុំសសរ១០០ សម្តេចតេជោ ហ៊ុន សែន ក្នុងបរិវេណមណ្ឌលអភិរក្សសួនគ្រញូង នគរបាជ័យ ក្រុងកំពង់ចាម។
ក្នុងពិធីសំណេះសំណាលនេះក៏មានការអញ្ជើញចូលរួមពីសំណាក់ ឯកឧត្តម អ៊ុន ចាន់ដា សមាជិកគណៈកម្មធិការកណ្តាល ប្រធានគណៈកម្មាធិការគណបក្សខេត្ត ឯកឧត្តម លោកជំទាវ សមាជិក សមាជិកាព្រឹទ្ធសភា រដ្ឋសភា ឯកឧត្តម លោកជំទាវអ្នកតំណាងរាស្ត្រ លោក លោកស្រី ប្រធានក្រុមការងារចុះជួយក្រុង ស្រុក ឃុំ សង្កាត់ សរុបចំនួន អ្នកចូលរួមប្រមាណ ២,១៧០នាក់ ៕
