អាឡឺម៉ង់នឹងដកបុគ្គលិករដ្ឋាភិបាលជាង ១០០ នាក់ដែលធ្វើការនៅក្នុងប្រទេសរុស្ស៊ី
បរទេស៖ ប្រភពពីក្រសួងការបរទេសអាល្លឺម៉ង់បានឲ្យដឹងកាលពីថ្ងៃសៅរ៍ថា ប្រទេសអាល្លឺម៉ង់នឹងដកបុគ្គលិករដ្ឋាភិបាលជាង ១០០ នាក់ដែលធ្វើការនៅក្នុងប្រទេសរុស្ស៊ីបន្ទាប់ពីទីក្រុងម៉ូស្គូបានដាក់កម្រិតលើចំនួនដែលអនុញ្ញាតឱ្យធ្វើការនៅបេសកកម្មការទូតអាល្លឺម៉ង់នៅក្នុងប្រទេស។
ប្រភពបានបន្តថា ដែនកំណត់នេះកំណត់ដោយប្រទេសរុស្ស៊ីសម្រាប់ដើមខែមិថុនា ទាមទារឱ្យមានការកាត់បន្ថយដ៏ធំមួយនៅក្នុងគ្រប់ផ្នែកទាំងអស់នៃវត្តមានរបស់យើងនៅក្នុងប្រទេសរុស្ស៊ី។
អ្នកដែលរងផលប៉ះពាល់រួមមានគ្រូបង្រៀន ក៏ដូចជាបុគ្គលិកផ្សេងទៀតនៃសាលារៀន និងវិទ្យាស្ថាន Goethe ហើយចាំបាច់ត្រូវរក្សាតុល្យភាពត្រឹមត្រូវសម្រាប់វត្តមានការទូតរបស់ប្រទេសអាល្លឺម៉ង់ បុគ្គលដែលបានពិពណ៌នាចំនួនដែលរងផលប៉ះពាល់យ៉ាងហោចណាស់ ១០០ នាក់។
ទំនាក់ទំនងរវាងរុស្ស៊ី និងអាឡឺម៉ង់ ដែលធ្លាប់ជាអ្នកទិញប្រេង និងឧស្ម័នដ៏ធំបំផុតរបស់រុស្ស៊ី បានបែកបាក់ចាប់តាំងពីទីក្រុងមូស្គូបានបើកការឈ្លានពានពេញលេញលើអ៊ុយក្រែនក្នុងខែកុម្ភៈ ឆ្នាំ ២០២២ ហើយលោកខាងលិចបានឆ្លើយតបដោយការដាក់ទណ្ឌកម្ម និងការផ្គត់ផ្គង់អាវុធ។
ប្រភពបានហៅការកំណត់ដែលបានប្រកាសកាលពីខែមេសាថា ឯកតោភាគី មិនសមហេតុផល និងមិនអាចយល់បាន។ អ្នកនោះបានបដិសេធមិនបញ្ជាក់ថាកម្រិតណាដែលកំណត់ដោយទីក្រុងមូស្គូ។
ចំនួនបុគ្គលិកអាល្លឺម៉ង់ដែលចាកចេញត្រូវបានរាយការណ៍មុននេះដោយ Sueddeutsche Zeitung របស់អាល្លឺម៉ង់។ ក្រសួងការបរទេសរុស្ស៊ីមិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ។
ប្រភព៖ The Kathmandu Post
ប្រែសម្រួលដោយ៖ [ឡាយ លីហួ]
