អភិបាលខេត្តកណ្ដាល៖ កត្តាសុខសន្តិភាព ជាកាលានុវត្តភាព ដែលមិនអាចកាត់ផ្ដាច់ក្នុងការអភិវឌ្ឍវប្បធម៌ សេដ្ឋកិច្ច និងសង្គមជាតិ
ភ្នំពេញ៖ ឯកឧត្តម គង់ សោភ័ណ្ឌ អភិបាលនៃគណ:អភិបាលខេត្តកណ្ដាល នាព្រឹកថ្ងៃអាទិត្យ ៩កើត ខែជេស្ឋ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៨ ខែឧសភា ឆ្នាំ ២០២៣ បានជួប
សំណេះសំណាលជាមួយប្រជាពលរដ្ឋ ដែល យល់ព្រមទទួលយកប្រាក់តាមគោលនយោបាយ របស់រាជរដ្ឋាភិបាល ក្នុងអាកាសយាន្តដ្ឋានតេជោ ក្រុងតាខ្មៅ ស្ថិតក្នុងវត្តបឹងខ្យាង ឃុំបឹងខ្យាង ស្រុកកណ្ដាលស្ទឹង ខេត្តកណ្ដាល។
ឯកឧត្តមអភិបាលខេត្ត បានមានប្រសាសន៍ថា កត្តាសុខសន្តិភាព ជាកាលានុវត្តភាពប្រកប ដោយភាពត្រឹមត្រូវដែលមិនអាចកាត់ផ្ដាច់ក្នុងការអភិវឌ្ឍវប្បធម៌ សេដ្ឋកិច្ច និងសង្គមជាតិ។
ឯកឧត្តមអភិបាលខេត្ត បានបន្តថា រាជរដ្ឋាភិបាលកម្ពុជា ក្រោមការដឹកនាំប្រកបទៅដោយគតិបណ្ឌិតរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជា ណាចក្រកម្ពុជា តែងតែគិតគូ និងនៅកៀកកិតជាមួយ បងប្អូនប្រជាពលរដ្ឋនៅគ្រប់កាល:ទេស: នៅគ្រប់និន្នាការនយោបាយទាំងអស់ ប្រកបដោយភាតរភាព ដើម្បីការអភិវឌ្ឍ និងសុខុមាលភាព របស់ប្រជាពលរដ្ឋ។
ក្នុងឱកាសនោះដែរ បងប្អូនប្រជាពលរដ្ឋ បានគោរពថ្លែងអំណរគុណយ៉ាងជ្រាលជ្រៅ ជូនចំពោះសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានគិតគូពីសុខទុក្ខពលរដ្ឋ និងបានថ្លែងអំណរគុណ ដល់រដ្ឋបាលខេត្តកណ្តាល ដែលបានខិតខំដោះស្រាយបញ្ហប្រឈមនានាជូនប្រជាពលរដ្ឋ ៕
