យន្តហោះដឹកអ្នកដំណើរខ្នាតធំ C៩១៩ ដែលផលិតដោយខ្លួនឯងរបស់ចិនបានចាប់ផ្តើមហោះហើរពាណិជ្ជកម្មជាលើកដំបូងពីទីក្រុងសៀងហៃ ទៅកាន់ទីក្រុងប៉េកាំង
សៀងហៃ៖ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៨ ខែឧសភានេះថា យន្តហោះដឹកអ្នកដំណើរខ្នាតធំ C៩១៩ ដែលផលិតដោយខ្លួនឯង របស់ប្រទេសចិន បានចាប់ផ្តើមការហោះហើរពាណិជ្ជកម្មលើកដំបូងរបស់ខ្លួន ពីទីក្រុងសៀងហៃ ទៅកាន់ទីក្រុងប៉េកាំង កាលពីថ្ងៃអាទិត្យ ជាការកត់សម្គាល់ការចូលទីផ្សារអាកាសចរណ៍ស៊ីវិលជាផ្លូវការ។
ជើងហោះហើរដែលដំណើរការដោយក្រុមហ៊ុនអាកាសចរណ៍ China Eastern Airlines បានហោះចេញជា MU៩១៩១ នៅម៉ោង ១០:៣២ ព្រឹក ពីអាកាសយានដ្ឋានអន្តរជាតិ Shanghai Hongqiao ជាមួយនឹងអ្នកដំណើរ ១២៨ នាក់នៅលើយន្តហោះ។
យន្តហោះដែលមានលេខចុះបញ្ជី B-៩១៩A គឺជាយន្តហោះ C៩១៩ ដំបូងគេបង្អស់ដែលត្រូវបានដឹកជញ្ជូនទូទាំងពិភពលោក។វាគ្រោងនឹងចុះចតនៅអាកាសយានដ្ឋានអន្តរជាតិក្រុងប៉េកាំង។យន្តហោះ C៩១៩ គឺជាយន្តហោះដឹកអ្នកដំណើរដែលផលិតដោយខ្លួនឯងដំបូងគេរបស់ប្រទេសចិន ស្របតាមស្តង់ដារភាពសក្តិសមនៃផ្លូវអាកាសអន្តរជាតិ និងជាម្ចាស់កម្មសិទ្ធិបញ្ញាឯករាជ្យ។
គម្រោង C៩១៩ ត្រូវបានដាក់ឱ្យដំណើរការក្នុងឆ្នាំ ២០០៧។ បង្កើតឡើងដោយសាជីវកម្មយន្តហោះពាណិជ្ជកម្មចិន (COMAC) ដែលជាយន្តហោះ C៩១៩ ដំបូងបង្អស់បានហោះចេញពីខ្សែសង្វាក់ផលិតកម្មនៅទីក្រុងសៀងហៃក្នុងខែវិច្ឆិកា ឆ្នាំ ២០១៥ ។
នៅឆ្នាំ ២០១៧ យន្តហោះនេះបានសម្រេចការហោះហើរដំបូងរបស់ខ្លួន។លោក Zhang Xiaoguang ប្រធានផ្នែកទីផ្សារ និងលក់នៃក្រុមហ៊ុន COMAC បាននិយាយថា “វាជាពិធីឈានចូលដល់យុគសម័យនៃយន្តហោះថ្មី ហើយ C919 នឹងកាន់តែប្រសើរឡើងប្រសិនបើវាឈរលើការសាកល្បងនៃទីផ្សារ” ។
ប្រភពព័ត៌មានៈXinhua
ប្រែសំរួលដោយៈកញ្ញា យ៉េន សុវណ្ណារ៉ា https://xhnewsapi.xinhuaxmt.com/share/news?id=827561860206592&showType=3019&utdId=d88100afadef95018d7f504f3084fb7c&version=3.1.3&projectSource=0&clientMarket=google
