រដ្ឋបាលខេត្តស្ទឹងត្រែង បើកការដ្ឋានស្ថាបនាជួសជុលផ្លូវក្រាលគ្រួសក្រហមមាត់ទន្លេសេកុង ដាក់លូប្រអប់ភ្លោះកាត់ផ្លូវមុខកាត់ ដាក់លូមូលទោលកាត់ផ្លូវមុខកាត់ ស្ថិតនៅសង្កាត់សាមគ្គី ក្រុងស្ទឹងត្រែង
ភ្នំពេញ៖ ឯកឧត្ដម ស្វាយ សំអ៊ាង អភិបាលនៃគណៈអភិបាលខេត្តស្ទឹងត្រែង និង ឯកឧត្ដម ឈាង ឡាក់ ប្រធានក្រុមប្រឹក្សាខេត្ត នៅថ្ងៃទី២៩ ខែឧសភា ឆ្នាំ២០២៣ បានអញ្ជើញបើកការដ្ឋានស្ថាបនាជួសជុលផ្លូវក្រាលគ្រួសក្រហម ១ខ្សែ មាត់ទន្លេសេកុង ប្រវែង ២១.០០០ម៉ែត្រ ទទឹង ៧ម៉ែត្រ ផ្ទៃក្រទ្បា ១៤៧.០០០ម៉ែត្រការេ ដាក់លូប្រអប់ភ្លោះកាត់ផ្លូវមុខកាត់ ៣ម៉ែត្រ គុណ ៣ម៉ែត្រ ប្រវែងសរុប ៣០ម៉ែត្រ ចំនួន ២កន្លែង ដាក់លូប្រអប់ភ្លោះកាត់ផ្លូវមុខកាត់ ១,៥ម៉ែត្រ គុណ ១,៥ម៉ែត្រ ប្រវែង ១៥ម៉ែត្រ ចំនួន ១កន្លែង ដាក់លូមូលទោលកាត់ផ្លូវមុខកាត់ ១ម៉ែត្រ ប្រវែង ១៥ម៉ែត្រ ចំនួន ១កន្លែង ស្ថិតនៅសង្កាត់សាមគ្គី ក្រុងស្ទឹងត្រែង និងឃុំសាមឃួយ ឃុំស្តៅ ស្រុកសេសាន និងការងារជួសជុលស្ពានដែកបាឡេចំនួន ៣កន្លេង ប្រវែងសរុប ១២០ម៉ែត្រ ទទឹង ៤,១ម៉ែត្រ ស្ថិតនៅឃុំអូររៃ និងឃុំកាំងចាម ស្រុកថាទ្បាបរិវ៉ាត់ ខេត្តស្ទឹងត្រែង ៕
