ការងារមនុស្សធម៌របស់បុរីយិនម៉ាន់ យី អាន ឧកញ៉ា យិន ម៉ាន់ និង ជំទាវ យ៉ាំ ឡាង តែងតែបរិចាកចូលរួមកសាងសមិទ្ធិផល តូច ធំ ជាច្រើនក្នុងស្រុកបវេល
ភ្នំពេញ៖ ការងារមនុស្សធម៌របស់បុរីយិនម៉ាន់ យី អានឧកញ៉ា យិន ម៉ាន់ និង ជំទាវ យ៉ាំ ឡាង ព្រមទាំងក្រុមគ្រួសារ តែងតែបរិចាកចូលរួមកសាងសមិទ្ធិផល តូច ធំ ជាច្រើនក្នុងស្រុកបវេល ហើយថ្មីៗនេះ ឧកញ៉ា និង លោកជំទាវ បានជួយកសាងបណ្ណាល័យដ៏ស្រស់ស្អាត ក្នុងសាលារៀនបឋមសិក្សាឃុំបវេល ស្រុកបវេល ខេត្តបាត់ដំបង ដែលបានសម្ភោធដាក់ឲ្យ ប្រើប្រាស់ជាផ្លូវការកាលពីថ្ងៃទី០៣ ខែមិថុនា ឆ្នាំ២០២៣។
បណ្ណាល័យនេះជាឃ្លាំងចំណេះដឹង សម្រាប់សិស្សានិសិស្ស ស្វែងយល់ពីវប្បធម៌ អក្សរសាស្ត្រ អក្សរសីល លេខគណិត និងឯកសារជាច្រើនទៀត ដើម្បីបណ្តុះទម្លាប់នៃការអានតាំងពីកុមារភាព។
ដើម្បីសម្រួលដល់ការធ្វើដំណើររបស់បងប្អូនប្រជាជននៅភូមិដាច់ព្រ័ត និង ភូមិស្ពានកណ្តោល និង ការដឹកជញ្ជូនផលិតផលកសិកម្មរបស់កសិករមកលក់ដូរនៅក្នុងតំបន់ដោះដូរពាណិជ្ជកម្មបុរីយិនម៉ាន់ យី អាន ឬ នៅផ្សារបវេល ឧកញ៉ា និងលោកជំទាវ ដែលជាស្ថាបនិកអភិវឌ្ឍ បុរីយិនម៉ាន់ យី អាន បានជួសជុល ផ្លូវដីក្រហមមួយខ្សែ ដែលមានប្រវែង ២គីឡូម៉ែត្រ ចាប់ពីចុងភូមិដាច់ព្រ័តភ្ជាប់ពីភូមិសង្កែវារ រហូតដល់ផ្លូវជាតិ ៥៧បេ ភូមស្ពានកណ្តោល។
ការចូលរួមការងារសង្គមជាគុណតម្លៃមួយរបស់បុរីយិនម៉ាន់ យី អាន ស្រុកបវេល៕
