រុស្ស៊ីចាប់ផ្តើមសមយុទ្ធនៅសមុទ្របាល់ទិកមួយថ្ងៃបន្ទាប់ពីណាតូចាប់ផ្តើមសមយុទ្ធខ្លួន

បរទេស៖ ប្រទេសរុស្ស៊ីបានឲ្យដឹងកាលពីថ្ងៃចន្ទថា ខ្លួនបានចាប់ផ្តើមធ្វើសមយុទ្ធកងទ័ពជើងទឹកនៅសមុទ្របាល់ទិក មួយថ្ងៃបន្ទាប់ពីប្រទេសសមាជិកណាតូបានចាប់ផ្តើមសមយុទ្ធបាល់ទិកប្រចាំឆ្នាំរបស់ពួកគេ។

កងទ័ពជើងទឹកសហរដ្ឋអាមេរិកបានឲ្យដឹងថា នៅខាងណាតូ បុគ្គលិកចំនួន ៦,០០០ នាក់ នាវាចំនួន ៥០ និងយន្តហោះជាង ៤៥ គ្រឿងកំពុងចូលរួម ដោយប្រទេសហ្វាំងឡង់បានចូលរួមជាលើកដំបូងក្នុងនាមជាសមាជិកសម្ព័ន្ធភាព។

យោធារុស្ស៊ីបានឲ្យដឹងថា នាវា និងទូករហូតដល់ ៤០ គ្រឿង យន្តហោះ ២៥ គ្រឿង និងបុគ្គលិកប្រហែល ៣.៥០០ នាក់នឹងចូលរួមក្នុងសមយុទ្ធរបស់ខ្លួន ដែលគ្រោងនឹងអូសបន្លាយរហូតដល់ថ្ងៃទី ១៥ ខែមិថុនា។

ទីក្រុងមូស្គូក៏បានចាប់ផ្តើមធ្វើសមយុទ្ធនៅសមុទ្រជប៉ុន និងសមុទ្រភាគខាងកើតឆ្ងាយនៃ Okhotsk កាលពីថ្ងៃចន្ទ ដែលនឹងចូលរួមជាមួយនាវាចម្បាំងជាង ៦០ និងនាវាគាំទ្រពីកងនាវាចរប៉ាស៊ីហ្វិករបស់ខ្លួន។

ប្រភព៖ Reuters

ប្រែសម្រួលដោយ៖ [ឡាយ លីហួ]