ឯកឧត្ដម ខៀវ កញ្ញារីទ្ធ៖ ប្រតិភូបរទេសសំណូមពរប្រទេសផ្សេងទៀត ពេលរៀបចំស៉ីហ្គេម និងអាស៊ានប៉ារ៉ាហ្គេម យកគំរូតាមកម្ពុជា ដែលរៀបចំឲ្យមានមជ្ឈមណ្ឌលព័ត៌មានកណ្តាល ងាយស្រួលតាមព័ត៌មានផ្សេងៗ

ភ្នំពេញ៖ រដ្ឋមន្ត្រីក្រសួងព័ត៌មាន ឯកឧត្ដម ខៀវ កញ្ញារីទ្ធ បានឲ្យដឹងថា ប្រតិភូបរទេស បានសំណូមពរឲ្យប្រទេសផ្សេងៗទៀត ពេលមានការរៀបចំស៉ីហ្គេម និងអាស៊ានប៉ារ៉ាហ្គេម យកគំរូតាមកម្ពុជា ដែលរៀបចំឲ្យមានមជ្ឈមណ្ឌលព័ត៌មានកណ្តាល (MPC) ងាយស្រួលតាមព័ត៌មានផ្សេងៗ។

ឯកឧត្ដម បានឲ្យដឹងបែបនេះ ពេលចុះពិនិត្យការងារតាមទីតាំងព័ត៌មាននានា និងទីតាំងមជ្ឈមណ្ឌលព័ត៌មានកណ្តាល (MPC) នៅថ្ងៃទី៨ ខែមិថុនា ឆ្នាំ២០២៣។

ឯកឧត្ដមបានបញ្ជាក់ថា “ប្រតិភូបរទេស គេសំណូមពរឲ្យប្រទេសផ្សេងៗទៀត ពេលមានការរៀបចំស៉ីហ្គេម និងអាស៊ានប៉ារ៉ាហ្គេម យកគំរូតាមកម្ពុជា ដែលរៀបចំឲ្យមាន មជ្ឈមណ្ឌលព័ត៌មានកណ្តាល (MPC) ដើម្បីឲ្យអ្នកព័ត៌មានបានជុំគ្នា ផ្តល់យោបល់ជាមួយគ្នា យកព័ត៌មានបានគ្រប់ជ្រុងជ្រោយ ហើយសេវា Internet ក៏ដើរលឿន”៕