ឧត្តមសេនីយ៍ឯក ស ថេត អញ្ជើញចូលរួមសំណេះសំណាល និងបំពាក់គ្រឿងឥស្សរិយយស ជូនដល់អតីតយុទ្ធជន ចំនួន១០០នាក់ មកពីខណ្ឌចំនួន០៤

ភ្នំពេញ៖ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ និងជាប្រធានសមាគមអតីតយុទ្ធជនកម្ពុជារាជធានីភ្នំពេញ នាព្រឹកថ្ងៃទី១២ ខែមិថុនា ឆ្នាំ២០២៣ បានអញ្ជើញចូលរួមក្នុងពិធីសំណេះសំណាល និងបំពាក់គ្រឿងឥស្សរិយយស ជូនដល់អតីតយុទ្ធជន ចំនួន១០០នាក់ មកពីខណ្ឌចំនួន០៤ (ទួលគោក សែនសុខ ពោធិ៍សែនជ័យ មានជ័យ) ក្រោមអធិបតីភាពឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ និងជាប្រធានកិត្តិយសសមាគមអតីតយុទ្ធជនកម្ពុជារាជធានីភ្នំពេញ នៅអធិការដ្ឋាននគរបាលខណ្ឌទួលគោក។

ក្នុងឱកាសនោះដែរ ឯកឧត្តម ឃួង ស្រេង បាននាំយកនូវថវិកា និងគ្រឿងឧបភោគបរិភោគមួយចំនួន ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា ប្រគល់ជូនអតីតយុទ្ធជន ដោយក្នុងម្នាក់ៗទទួលបានថវិកាចំនួន ១០០,០០០រៀល ( ១០មុឺនរៀល ) ៕