ប្រធាន IEA ថា ប្រទេសឥណ្ឌានឹងវ៉ាដាច់ចិនក្នុងពេលឆាប់ៗនេះក្នុងនាមជាអ្នកជំរុញតម្រូវការប្រេងធំបំផុត
ញូវដេលី៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១៤ ខែមិថុនា ថា ឥណ្ឌានឹងវ៉ាដាច់ប្រទេសចិន ក្នុងពេលឆាប់ៗនេះ ដែលជាកត្តាជំរុញដ៏ធំបំផុតនៃតម្រូវការប្រេងពិភពលោក នេះបើតាមការបញ្ជាក់របស់ប្រធានទីភ្នាក់ងារថាមពលអន្តរជាតិ (IEA) លោក Fatih Birol បានឲ្យដឹងកាលពីថ្ងៃពុធ។
ទីភ្នាក់ងារថាមពលដែលមានមូលដ្ឋាននៅទីក្រុងប៉ារីសបានឲ្យដឹងនៅក្នុងរបាយការណ៍ទស្សនវិស័យរបស់ខ្លួនដែលបានចេញផ្សាយកាលពីថ្ងៃពុធថាប្រហែល ៣ ត្រីមាសនៃកំណើនតម្រូវការ ២០២២-២៨ នឹងមកពីអាស៊ីដោយឥណ្ឌាបានវ៉ាដាច់ប្រទេសចិនដែលជាប្រភពកំណើនដ៏សំខាន់នៅឆ្នាំ ២០២៧។
លោក Fatih Birol ក៏បានឲ្យដឹងផងដែរថា ចាប់តាំងពីប្រទេសឥណ្ឌាមានសមត្ថភាពថាមពលកកើតឡើងវិញដ៏សម្បូរបែប ប្រទេសនេះមិនគួរខកខានឱកាសដើម្បីក្លាយជាមហាអំណាចនៅក្នុងអាជីវកម្មអ៊ីដ្រូសែនបៃតងនោះទេ។
ប្រភព៖ Reuters
ប្រែសម្រួលដោយ៖ [ឡាយ លីហួ]
