ចំនួនអ្នកស្លាប់បានកើនឡើងដល់ ៨នាក់ ដោយសារព្យុះស៊ីក្លូននៅប្រទេសប្រេស៊ីល
សៅប៉ូឡូ÷ចំនួនអ្នកស្លាប់ដោយសារទឹកជំនន់ដែលបង្កឡើងដោយព្យុះស៊ីក្លូនក្រៅត្រូពិចនៅក្នុងរដ្ឋរីយ៉ូ ហ្គ្រេនឌី ដូស៊ុល ភាគខាងត្បូងប្រទេសប្រេស៊ីលបានកើនឡើងដល់ ៨ នាក់ហើយកាលពីថ្ងៃសៅរ៍ ខណៈមនុស្ស ១៩ នាក់នៅតែបាត់ខ្លួន។
មកទល់ពេលនេះ សាលាក្រុងចំនួន ៤០ ត្រូវបានរងផលប៉ះពាល់ដោយការបាក់ដី ទឹកជំនន់ និងការដាច់ចរន្តអគ្គិសនី។នាយកដ្ឋានការពារជនស៊ីវិលរបស់រដ្ឋបាននិយាយថា មនុស្សសរុបចំនួន ២,៣៣០ នាក់ត្រូវបានជម្លៀស ៦០២ នាក់ផ្លាស់ទីលំនៅ ហើយមនុស្សជាងកន្លះលាននាក់ត្រូវបានទុកចោលដោយគ្មានអគ្គិសនីប្រើប្រាស់។ប្រធានាធិបតីប្រេស៊ីល Luiz Inacio Lula da Silva បានសន្យាផ្តល់ជំនួយសហព័ន្ធដល់តំបន់រងគ្រោះ។
ប្រភពព័ត៌មានៈXinhua
ប្រែសំរួលដោយៈយ៉េន សុវណ្ណារ៉ា
