បណ្ឌិត កៅ គឹមហួន ទទួលជួបពិភាក្សាការងារជាមួយ ប្រធានបេសកកម្មតំបន់អាស៊ី របស់ទីភ្នាក់ងារ USAID និងរដ្ឋមន្ត្រីពាណិជ្ជកម្មអន្តរជាតិកាណាដា
ភ្នំពេញ៖ ឯកឧត្តមបណ្ឌិត កៅ គឹមហួន អគ្គលេខាធិការអាស៊ាន ទទួលជួបពិភាក្សាការងារជាមួយ លោក Steve Olive ប្រធានបេសកកម្មតំបន់អាស៊ីរបស់ទីភ្នាក់ងារអភិវឌ្ឍន៍អន្តរជាតិសហរដ្ឋអាមេរិក (USAID) នាព្រឹកថ្ងៃទី២០ ខែមិថុនា ឆ្នាំ២០២៣ នៅលេខាធិការដ្ឋានអាស៊ាន ក្នុងទីក្រុងហ្សាការតា សាធារណរដ្ឋឥណ្ឌូណេស៊ី។
ក្នុងឱកាសនោះ ភាគីទាំងពីរបានផ្លាស់ប្តូរមតិ រិះរកវិធី និងមធ្យោបាយដើម្បីពង្រឹងកម្មវិធីកិច្ចសហប្រតិបត្តិការអភិវឌ្ឍន៍អាស៊ាន-សហរដ្ឋអាមេរិក ក៏ដូចជា បញ្ហានានាដែលជាការចាប់អារម្មណ៍ទៅវិញទៅមក។
នាព្រឹកថ្ងៃដដែល ឯកឧត្តមបណ្ឌិត កៅ គឹមហួន ក៏បានទទួលជួបពិភាក្សាការងារជាមួយ លោកជំទាវ Mary Ng រដ្ឋមន្ត្រីពាណិជ្ជកម្មអន្តរជាតិ លើកកម្ពស់ការនាំចេញ ធុរកិច្ចតូច និងការអភិវឌ្ឍសេដ្ឋកិច្ច របស់កាណាដា តាមរយៈអនឡាញ ដោយភាគីទាំងពីរបានពិភាក្សាអំពីទំនាក់ទំនងសេដ្ឋកិច្ចអាស៊ាន-កាណាដា យុទ្ធសាស្ត្រឥណ្ឌូប៉ាស៊ីហ្វិករបស់កាណាដា ព្រមទាំងការចរចាកិច្ចព្រមព្រៀងពាណិជ្ជកម្មសេរីអាស៊ាន-កាណាដាជាដើម៕
