លោកជំទាវ ជូ ប៊ុនអេង ដឹកនាំកិច្ចប្រជុំ ពិនិត្យផ្ទៀងផ្ទាត់ ទិន្នន័យ និងអនុសាសន៍របស់ក្រសួងការបរទេសអាមេរិកសម្រាប់កម្ពុជាពាក់ព័ន្ធ នឹងកិច្ចខិតខំប្រឹងប្រែងប្រយុទ្ធប្រឆាំងអំពើជួញដូរមនុស្សឆ្នាំ២០២៣

ភ្នំពេញ៖ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធាំនអចិន្រ្តៃយ៍ គ.ជ.ប.ជ នារសៀលថ្ងៃពុធ ៤កើត ខែបឋមសាឍ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី២១ ខែមិថុនា ឆ្នាំ២០២៣ បានអញ្ជើញដឹកនាំកិច្ចប្រជុំ ពិនិត្យផ្ទៀងផ្ទាត់ ទិន្នន័យ និងអនុសាសន៍របស់ក្រសួងការបរទេសអាមេរិកសម្រាប់កម្ពុជាពាក់ព័ន្ធ នឹងកិច្ចខិតខំប្រឹងប្រែងប្រយុទ្ធប្រឆាំងអំពើជួញដូរមនុស្សឆ្នាំ២០២៣។

កិច្ចប្រជុំនេះក៏មានការអញ្ជើញចូលរួមពីថ្នាក់ដឹកនាំក្រសួង ស្ថាប័នជាសមាជិកនៃគ.ជ.ប.ជ ឯកឧត្តម ហ៊ូ វុឌ្ឍី រដ្ឋលេខាធិការក្រសួងការងារ បណ្តុះបណ្តាល និងវិជ្ជាជីវៈ ឯកឧត្តម ញឹក វណ្ណារ៉ា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនិតិសម្បទា និងមន្ត្រីជំនាញទទួលបន្ទុករបាយការណ៍ ឯកឧត្តម ណុប សុធនវិសុទ្ធ អគ្គនាយករង និងប្រធាននាយកដ្ឋាន មន្រ្តីទទួលបន្ទុករបាយការណ៍ របស់ក្រសួងយុត្តិធម៌ ឯកឧត្តម លោកជំទាវ ជាអគ្គលេខាធិការរងទទួលបន្ទុកការងារលេខាធិការដ្ឋាន រដ្ឋបាលសរុប ក្រុមជំនួយកិច្ចការការពារជនរងគ្រោះ បង្ការទប់ស្កាត់ សហប្រតិបត្តិការជាតិអន្តរជាតិ ក្រុមជំនួយកិច្ចការយុត្តិធម៌ អនុវត្តច្បាប់ ទេសន្តរប្រវេសន៍ ប្រធានលេខាធិការដ្ឋាន អនុប្រធានលេខាធិការដ្ឋាន ទទួលបន្ទុកផ្នែកបូកសរុបរបាយការណ៍ នាយការិយាល័យ របស់អគ្គលេខាធិការដ្ឋានគ.ជ.ប.ជ អគ្គស្នងការរង នៃអគ្គស្នងការដ្ឋាននគរបាលជាតិ លោកស្រីប្រធាននាយកដ្ឋាន ប្រឆាំងការជួញដូរមនុស្ស និងការពារអនីតិជន អនុប្រធាននាយកដ្ឋាន របស់អគ្គនាយកដ្ឋានអន្តោប្រវេសន៍ និងមន្រ្តីជំនាញពាក់ព័ន្ធ ផ្នែករបាយការណ៍ របស់ស្ថាប័នពាក់ព័ន្ធមួយចំនួន ៕