ឯកឧត្តម ជិន ម៉ាលីន ដឹកនាំគណៈកម្មការ ធ្វើការសម្ភាសបេក្ខជន បេក្ខនារីជាប់វគ្គ Short list ដើម្បីជ្រើសរើសយុវជនឆ្នើមឈានទៅវគ្គពាក់កណ្តាលផ្តាច់ព្រ័ត្រ
ភ្នំពេញ៖ ឯកឧត្តម ជិន ម៉ាលីន រដ្ឋលេខាធិការក្រសួងយុត្តិធម៌ នារសៀលថ្ងៃទី២១ ខែមិថុនា ឆ្នាំ២០២៣ បានអញ្ជើញដឹកនាំគណៈកម្មការ ធ្វើការសម្ភាសបេក្ខជន បេក្ខនារីជាប់វគ្គ Short list ដើម្បីជ្រើសរើសយុវជនឆ្នើមឈានទៅវគ្គពាក់កណ្តាលផ្តាច់ព្រ័ត្រ។ ដោយមានការអញ្ជើញចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ និងបេក្ខជនជាច្រើនរូបទៀត។
ជាលទ្ធផល គណៈកម្មការ បានធ្វើការវាយតម្លៃ និងដាក់ពិន្ទុ ជ្រើសរើបានបេក្ខជន បេក្ខនារីឆ្នើមចំនួន ២២រូប ក្នុងនោះស្ត្រីចំនួន ០៨រូប ក្នុងចំណោមបេក្ខជន បេក្ខនារី មកធ្វើការចូលរួមសម្ភាសន៍ចំនួន ៤៥រូប ក្នុងនោះស្ត្រីចំនួន ១៣រូប ឈានទៅវគ្គពាក់កណ្តាលផ្តាច់ព្រ័ត្រ ដែលជាការបង្ហាញសមត្ថភាពលើវេទិកា នៅថ្ងៃទី២៣ ខែមិថុនា ឆ្នាំ២០២៣ វេលាម៉ោង ២និង០០នាទីរសៀល នៅបណ្ឌិត្យសភាភូមិន្ទយុត្តិធម៌កម្ពុជា ៕
