ម៉ាឡេស៊ីបានចោទប្រកាន់ជនជាតិថៃ៤នាក់ ក្រោយរកឃើញផ្នូរសពជាច្រើន និងជំរំជួញដូរមនុស្សដែលបានរកឃើញក្នុងឆ្នាំ២០១៥
ម៉ាឡេស៊ី៖ ជនជាតិថៃចំនួន៤នាក់ ត្រូវបានចោទប្រកាន់កាលពីថ្ងៃសុក្រ ក្រោមច្បាប់ប្រឆាំងការជួញដូរមនុស្សរបស់ប្រទេសម៉ាឡេស៊ី ពាក់ព័ន្ធនឹងការរកឃើញផ្នូរសពជាច្រើនក្នុងឆ្នាំ២០១៥ ដែលគេជឿថាជាជនមូស្លីមរ៉ូហ៊ីងយ៉ា និងជនជាតិបង់ក្លាដែស ដែលត្រូវបានឃុំខ្លួនក្នុងជំរុំនៅតំបន់ព្រៃភ្នំមួយ ជាប់ព្រំដែនប្រទេសជាមួយប្រទេសថៃ។
រដ្ឋមន្ត្រីក្រសួងមហាផ្ទៃថៃលោក Saifuddin Nasution បានឲ្យដឹងនៅក្នុងសេចក្តីថ្លែងការណ៍មួយថា អ្នកទាំងបួននាក់នោះ ស្ថិតក្នុងចំណោមពលរដ្ឋថៃ ១០នាក់ ដែលរដ្ឋាភិបាលបានស្វែងរកការធ្វើបត្យាប័នក្នុងឆ្នាំ២០១៧ ជុំវិញសោកនាដកម្មនៅ Wang Kelian នៅភាគខាងជើងរដ្ឋ Perlis ដែលបានធ្វើឱ្យប្រទេសជាតិមានការភ្ញាក់ផ្អើល។ បន្ទាប់ពីកិច្ចសហប្រតិបត្តិការជាមួយអាជ្ញាធរថៃ លោកបានបន្តថា បុរសទាំងបួននាក់ត្រូវបានចាប់ខ្លួន និងធ្វើបត្យាប័នទៅកាន់ប្រទេសម៉ាឡេស៊ីកាលពីថ្ងៃព្រហស្បតិ៍ ដើម្បីប្រឈមមុខនឹងការចោទប្រកាន់។
នៅក្នុងខែឧសភា ឆ្នាំ២០១៥ ប៉ូលីសម៉ាឡេស៊ីបានប្រកាសពីការរកឃើញចង្កោមនៃជំរុំព្រៃដែលគេបោះបង់ចោលដែលត្រូវបានប្រើប្រាស់ដោយអ្នកជួញដូរមនុស្សនៅ Wang Kelian ហើយក្រោយមកបានបញ្ចុះសាកសពចំនួន ១៣៩ផ្នូរជាច្រើននៅទីនោះ។ ការរកឃើញនេះបានធ្វើតាមការរកឃើញស្រដៀងគ្នានេះនៅដើមខែដដែលដោយប៉ូលិសថៃដែលបានរកឃើញសាកសព៣៦នាក់ពីផ្នូររាក់ៗនៅខាងព្រំដែនថៃ។
របកគំហើញនេះបានលាតត្រដាងបណ្តាញលាក់កំបាំងនៃជំរុំព្រៃដែលដំណើរការដោយអ្នករត់ពន្ធមនុស្ស ដែលបានឃុំខ្លួនមនុស្សអស់ជាច្រើនឆ្នាំ ខណៈពេលដែលជំរិតទារប្រាក់លោះពីគ្រួសាររបស់ពួកគេ។ ភាគច្រើននៃអ្នកដែលរងគ្រោះដោយសារបណ្តាញជួញដូរគឺជាសមាជិកនៃជនជាតិភាគតិចរ៉ូហ៊ីងយ៉ាដែលត្រូវបានធ្វើទុក្ខបុកម្នេញរបស់ប្រទេសមីយ៉ាន់ម៉ា ឬជនចំណាកស្រុកក្រីក្រមកពីបង់ក្លាដែស ដែលជាផ្នែកមួយនៃរលកនៃប្រជាជនដែលបានភៀសខ្លួនចេញពីស្រុកកំណើតរបស់ពួកគេដើម្បីស្វែងរកជីវិតប្រសើរជាងមុន។
ប្រព័ន្ធផ្សព្វផ្សាយក្នុងស្រុកបានរាយការណ៍ថា បុរសទាំងបួននាក់ត្រូវបានអមដំណើរដោយប៉ូលីសប្រដាប់អាវុធកាលពីថ្ងៃសុក្រទៅកាន់តុលាការជាន់ទាបក្នុងទីក្រុង Perlis ជាកន្លែងដែលពួកគេត្រូវបានចោទប្រកាន់ពីបទជួញដូរមនុស្ស ដែលអនុវត្តការជាប់ពន្ធនាគាររហូតដល់ ១៥ ឆ្នាំនៅពេលកាត់ទោស។
កាសែត New Straits Times និង The Star ជាភាសាអង់គ្លេសរបស់ប្រទេសម៉ាឡេស៊ីបានឲ្យដឹងថា អ្នកទាំងបួននាក់ដែលមានអាយុចន្លោះពី ៣០ ទៅ ៥៨ ឆ្នាំត្រូវបានចោទប្រកាន់ពីបទជួញដូរជនជាតិមីយ៉ាន់ម៉ាពីរនាក់នៅ Wang Kelian ។ របាយការណ៍បានបន្តថា គ្មានការអង្វរករត្រូវបានកត់ត្រាទេ ហើយពួកគេត្រូវបានគេមិនអនុញ្ញាតឱ្យនៅក្រៅឃុំ។ សំណុំរឿងរបស់ពួកគេនឹងត្រូវផ្ទេរទៅតុលាការកំពូលដើម្បីបើកសវនាការ។
ម៉ាឡេស៊ីបានចោទប្រកាន់ជនបរទេសប្រាំនាក់រួចហើយពីបទល្មើសជួញដូរមនុស្សពាក់ព័ន្ធនឹងជំរំ Wang Kelian។ ទន្ទឹមនឹងនោះ ប្រទេសថៃបានកាត់ទោសមនុស្សចំនួន ៦២នាក់ រួមទាំងមន្ត្រីថៃ ៩នាក់ ពីបទឧក្រិដ្ឋកម្មជួញដូរ។
របាយការណ៍រួមក្នុងឆ្នាំ២០១៩ ដោយគណៈកម្មាធិការសិទ្ធិមនុស្សនៃប្រទេសម៉ាឡេស៊ី និង Fortify Rights បានរកឃើញចន្លោះប្រហោងក្នុងការស៊ើបអង្កេត និងការរារាំងដែលអាចកើតមាននៃយុត្តិធម៌។ វាបានឲ្យដឹងថា អាជ្ញាធរម៉ាឡេស៊ីបានដឹងអំពីអត្ថិភាពនៃជំរំ ជាមួយនឹងការវាយឆ្មក់ទៅលើទីតាំងមួយក្នុងចំណោមកន្លែង ដែលជនរងគ្រោះដោយការជួញដូរត្រូវបានឃុំឃាំងក្នុងទ្រុងជាច្រើនខែមុន។ សាកសពត្រូវបានជីកយកតែក្នុងខែឧសភាប៉ុណ្ណោះ ដោយមិនមានការពន្យល់អំពីការពន្យារពេលចាប់តាំងពីការវាយឆ្មក់មក ដែលរារាំងដល់កិច្ចខិតខំប្រឹងប្រែងផ្នែកកោសល្យវិច្ច័យដើម្បីកំណត់ពីមូលហេតុនៃការស្លាប់របស់ពួកគេ នេះបើយោងតាមរបាយការណ៍។
គណៈកម្មការស៊ើបអង្កេតដែលបង្កើតឡើងដោយរដ្ឋាភិបាលក្រោយមកបានឲ្យដឹងថាគ្មានមន្ត្រីអនុវត្តច្បាប់ម៉ាឡេស៊ី មន្ត្រីសាធារណៈ ឬពលរដ្ឋក្នុងតំបន់ពាក់ព័ន្ធក្នុងការជួញដូរមនុស្សទេ ប៉ុន្តែបានរកឃើញការធ្វេសប្រហែសដោយល្បាតព្រំដែន។ វាក៏បានឲ្យដឹងថាភ្នាក់ងារអនុវត្តច្បាប់របស់ម៉ាឡេស៊ីបានបរាជ័យក្នុងការអនុវត្តតាមនីតិវិធីប្រតិបត្តិការស្តង់ដារដែលប៉ះពាល់ដល់ការស៊ើបអង្កេតរបស់ពួកគេយ៉ាងខ្លាំង។
ប្រភព៖ Washington Post
ប្រែសម្រួលដោយ៖ [ឡាយ លីហួ]
