ឯកឧត្តម ពេជ សោភ័ន និងឯកឧត្តម អ៊ូច ភា អញ្ជើញពិនិត្យការស្ថាបនាសាងសង់ផ្សារចារថ្មី ជូនពលរដ្ឋ ក្នុងឃុំចារ ស្រុកព្រៃកប្បាស

ភ្នំពេញ៖ ឯកឧត្តមបណ្ឌិត ពេជ សោភ័ន រដ្ឋមន្ត្រីប្រតិភូអមនាយករដ្ឋមន្ត្រី រដ្ឋលេខាធិការប្រចាំការ ក្រសួងការងារ និងបណ្ដុះបណ្ដាលវិជ្ជាជីវៈ និងជាសហប្រធានក្រុមការងាររាជរដ្ឋាភិបាលចុះមូលដ្ឋានស្រុកព្រៃកប្បាស និង ឯកឧត្តម អ៊ូច ភា អភិបាលខេត្តតាកែវ នាថ្ងៃទី២៤ ខែមិថុនា ឆ្នាំ២០២៣ បានអញ្ជើញពិនិត្យមើលការស្ថាបនាសាងសង់ផ្សារចារថ្មី ស្ថិតនៅឃុំចារ ស្រុកព្រៃកប្បាស ដែលគ្រោងនិងដាក់ឱ្យដំណើរការនៅចុងខែមិថុនានេះ។

ក្រោយទទួលបានសមិទ្ធផលថ្មីបន្ថែម ដែលគ្រោងនឹងដាក់ឲ្យដំណើរការក្នុងពេលឆាប់ៗខាងមុខនេះ ប្រជាពលរដ្ឋ បានសម្ដែង ការសាទរ និងសប្បាយរីករាយយ៉ាងក្រៃលែង ដែលថ្នាក់ដឹកនាំក្រុមការងារគណបក្សប្រជាជនកម្ពុជាចុះមូលដ្ឋានឃុំចារ ស្រុកព្រៃកប្បាស បានផ្ដួចផ្ដើមកសាងឡើងនៅផ្សារចារថ្មីនេះ ដើម្បីផ្ដល់ភាពងាយស្រួលដល់បងប្អូនប្រជាពលរដ្ឋ ធ្វើការដោះដូរទំនិញផ្សេងៗ ព្រមទាំងមានសោភ័ណភាព អនាម័យ និងបរិស្ថានល្អស្អាត៕