អ្នកនាំពាក្យ FM របស់ចិនបានធ្វើការកត់សម្គាល់លើឧប្បត្តិហេតុ Wagner Group
ប៉េកាំង៖អ្នកនាំពាក្យក្រសួងការបរទេសចិនបានថ្លែងកាលពីថ្ងៃអាទិត្យថា ប្រទេសចិនគាំទ្រប្រទេសរុស្ស៊ីក្នុងការរក្សាស្ថិរភាពជាតិ និងការសម្រេចបាននូវការអភិវឌ្ឍន៍ និងវិបុលភាព។យោងតាមរបាយការណ៍ លោក Yevgeny Prigozhin ស្ថាបនិក Wagner Group និងកងកម្លាំង Wagner ទាំងអស់បានដកខ្លួនចេញពីទីស្នាក់ការកណ្តាលនៃមជ្ឈមណ្ឌលបញ្ជាការយោធាភាគខាងត្បូងរបស់រុស្ស៊ី។
Prigozhin បានទទួលយកសំណើរបស់ប្រធានាធិបតីបេឡារុស្ស Alexander Lukashenko សម្រាប់ក្រុមនេះឱ្យបញ្ឈប់ប្រតិបត្តិការរបស់ខ្លួននៅក្នុងប្រទេសរុស្ស៊ី និងចាត់វិធានការបន្ថែមទៀតដើម្បីបន្ធូរបន្ថយភាពតានតឹង។យោងតាមរបាយការណ៍បានឱ្យដឹងថា ប្រធានាធិបតីរុស្ស៊ីលោក វ្ល៉ាឌីមៀ ពូទីន បានផ្តល់ការធានារបស់គាត់ថា Prigozhin អាចទៅប្រទេសបេឡារុស ហើយរុស្ស៊ីនឹងទម្លាក់សំណុំរឿងព្រហ្មទណ្ឌប្រឆាំងនឹងគាត់។
ឆ្លើយតបទៅនឹងសំណួររបស់ប្រព័ន្ធផ្សព្វផ្សាយ អ្នកនាំពាក្យបាននិយាយថា ឧប្បត្តិហេតុ Wagner Group គឺជាកិច្ចការផ្ទៃក្នុងរបស់រុស្ស៊ី។
អ្នកនាំពាក្យបានអោយដឹងថា ក្នុងនាមជាអ្នកជិតខាងជាមិត្តរបស់រុស្ស៊ី និងជាដៃគូយុទ្ធសាស្ត្រគ្រប់ជ្រុងជ្រោយនៃការសម្របសម្រួលសម្រាប់យុគសម័យថ្មី ប្រទេសចិនគាំទ្ររុស្ស៊ីក្នុងការរក្សាស្ថិរភាពជាតិ និងការសម្រេចបាននូវការអភិវឌ្ឍន៍ និងវិបុលភាព។
ប្រភពព័ត៌មានៈXinhua
ប្រែសំរួលដោយៈយ៉េន សុវណ្ណារ៉ា
