នាយឧត្តមសេនីយ៍ គៀត ច័ន្ទថារិទ្ធ ដឹកនាំកិច្ចប្រជុំពិនិត្យ និងឆ្លងគម្រោងថវិកាសម្រាប់២០២៤ របស់អគ្គនាយកដ្ឋានអន្តោប្រវេសន៍
ភ្នំពេញ៖ ឯកឧត្តម នាយឧត្តមសេនីយ៍ គៀត ច័ន្ទថារិទ្ធ អគ្គនាយក នៃអគ្គនាយកដ្ឋានអន្តប្រវេសន៍ នាព្រឹកថ្ងៃអង្គារ ១០កើត ខែបឋមាសាឍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៧ ខែមិថុនា ឆ្នាំ២០២៣នេះ បានអញ្ជេីញដឹកនាំកិច្ចប្រជុំពិនិត្យ និងឆ្លងគម្រោងថវិកាសម្រាប់២០២៤ របស់អគ្គនាយកដ្ឋានអន្តោប្រវេសន៍។ កិច្ចប្រជុំក៏មានអញ្ជេីញចូលរួមពីឯកឧត្តម អគ្គនាយករង លោកប្រធាននាយកដ្ឋាន និងមន្រ្តីពាក់ពន្ធមួយចំនួនទៀត។
ជាកិច្ចចាប់ផ្ដេីម ឯកឧត្តម នាយឧត្តមសេនីយ៍ គៀត ច័ន្ទថារិទ្ធ អគ្គនាយក បានមានមតិបេីកកិច្ចប្រជុំ និងអនុញ្ញាតជូនឯកឧត្តម ឧត្តមសេនីយ៍ឯក ណុប វី អគ្គនាយករង និងជាប្រធានក្រុមការងារ ធ្វេីសេចក្ដីរាយការណ៍។ បន្ទាប់មក ឯកឧត្តម ឧត្តមសេនីយ៍ឯក ណុប វី បានធ្វើសេចក្តីរាយការណ៍អំពីលទ្ធផលការងារដែលក្រុមការងារចំពោះកិច្ចដើម្បីត្រួតពិនិត្យ កិច្ចការគម្រោងថវិការ នៃអគ្គនាយកដ្ឋានអន្តោប្រវេសន៍។
ជាទីបញ្ចប់ ឯកឧត្តម នាយឧត្តមសេនីយ៍ គៀត ច័ន្ទថារិទ្ធ បានមានមតិបូកសរុប ដោយបានកែសម្រួលខ្លឹមសារមួយចំនួន និងស្នេីដល់អគ្គនាយករង ប្រធានននាយកដ្ឋាន ពិនិត្យកែសម្រួល និងបន្ថែមទៀត ដើម្បីប្រជុំសរុបនាពេលខាងមុខ ៕
