ឯកឧត្ដម គង់ វិបុល បើកយុទ្ធនាការឃោសនាបោះឆ្នោត និងហែក្បួនឃោសនា គ្រប់មូលដ្ឋានទូទាំងស្រុកល្វាឯម មានសមាជិកចូលរួមជាង ៤ពាន់នាក់

ភ្នំពេញ៖ នាថ្ងៃទី១ ខែកក្កដា ឆ្នាំ២០២៣ នៅទីលានបាល់ទាត់វិទ្យាល័យ ហ៊ុន សែន ទឹកឃ្លាំង ស្រុកល្វាឯម ឯកឧត្ដម គង់ វិបុល អនុប្រធានទី១ ក្រុមការងារថ្នាក់កណ្តាលចុះជួយស្រុកល្វាឯម តំណាងដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន សមាជិកគណៈអចិន្ត្រៃយ៍ គណៈកម្មាធិការកណ្តាល គណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តកណ្តាល បានអញ្ជើញជាអធិបតីពិធីបើកយុទ្ធនាការឃោសនាបោះឆ្នោត និងហែក្បួនគ្រប់មូលដ្ឋានទូទាំងស្រុកល្វាឯម ដែលមានសមាជិក សមាជិកាចូលរួមសរុបចំនួន ៤ ១៥០នាក់។