ក្រសួងទេសចរណ៍៖ សប្ដាហ៍ចុងខែមិថុនា និងដើមខែកក្កដា ភ្ញៀវទេសចរចេញដើរលេងមានជាង៣០ម៉ឺននាក់
ភ្នំពេញ៖ ក្រសួងទេសចរណ៍បានឱ្យដឹងថា ចាប់ពីថ្ងៃទី២៦ ខែមិថុនា ដល់ថ្ងៃទី២ ខែកក្កដា ឆ្នាំ២០២៣ មានភ្ញៀវទេសចរជាង៣០ម៉ឺននាក់ចេញដើរទស្សនាកម្សាន្តទូទាំងប្រទេស។
ភ្ញៀវសរុបមានចំនួន៣០៦,៥២៤នាក់ ក្នុងនោះភ្ញៀវជាតិ២៧៣,០៥៥នាក់ និងភ្ញៀវបរទេសផ្ទៃក្នុង៣៣,៤៦៩នាក់។
ក្រសួងបានបញ្ជាក់ឱ្យដឹងថា គោលដៅទេសចរណ៍សំខាន់ៗ រួមមាន៖* ខេត្តព្រះសីហនុ ៦៥,៨៧២នាក់* ខេត្តបាត់ដំបង ៤២,៤៧៣នាក់* ខេត្តសៀមរាប ៣១,៦៣៤នាក់* រាជធានីភ្នំពេញ ៣១,៤២៤នាក់* ខេត្តកំពត ២៨,៨៥១នាក់* ខេត្តកំពង់ស្ពឺ ១៥,០៤៩នាក់* ខេត្តកែប ១២,៣២៦នាក់។
ចំនួនភ្ញៀវទេសចរខាងលើ មានការកើនឡើងប្រមាណ៣.៧៨% ធៀបនឹងសប្តាហ៍កន្លងមកសរុបរយៈពេល៦ខែនៃឆ្នាំ២០២៣នេះ ភ្ញៀវទេសចរក្នុងស្រុកសរុបមានចំនួនប្រមាណ១១.១លាននាក់ កើនឡើងប្រមាណ ៧៥% ធៀបនឹងឆ្នាំ២០២២៕
