សម្ដេចចៅហ្វាវាំង គង់ សំអុល អញ្ជើញចុះត្រួតពិនិត្យ ការរៀបចំទីតាំងត្រៀមរៀបចំព្រះរាជពិធី “រុក្ខទិវា ៩ កក្កដា” នៅស្រុកសាមគ្គីមានជ័យ

ភ្នំពេញ៖ សម្ដេចចៅហ្វាវាំង គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង នាថ្ងៃទី៤ ខែកក្កដា ឆ្នាំ២០២៣ បានអញ្ជើញចុះត្រួតពិនិត្យការរៀបចំទីតាំងត្រៀមរៀបចំព្រះរាជពិធី “រុក្ខទិវា ៩ កក្កដា” នៅស្ថានីយ៍ដាំឈើម្សៅក្រដាស ហ៊ុន សែន មា នក ស្ថិតក្នុងភូមិអូរកាខុប ឃុំក្រាំងល្វា ស្រុកសាមគ្គីមានជ័យ ដែលនឹងប្រព្រឹត្តទៅក្រោមព្រះរាជាធិបតីភាពដ៏ខ្ពង់ខ្ពស់បំផុត ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត។

អញ្ជើញចូលរួមក្នុងឱកាសនោះមាន ឯកឧត្ដមទេសរដ្ឋមន្ត្រី គុយ សុផល ឯកឧត្ដមបណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ ប្រធានក្រុមការងាររាជរដ្ឋាភិបាលចុះមូលដ្ឋានខេត្ត លោកជំទាវអ្នកតំណាងរាស្ត្រ ថ្នាក់ដឹកនាំក្រសួង ស្ថាប័នពាក់ព័ន្ធ ថ្នាក់ដឹកនាំខេត្ត មន្ទីរ អង្គភាព អាជ្ញាធរមូលដ្ឋាន និងមន្ត្រីជំនាញពាក់ព័ន្ធ។