ឯកឧត្តម អ៊ុំ រាត្រី នាំយកអំណោយកាកបាទក្រហមកម្ពុជាខេត្តបន្ទាយមានជ័យ និងសួរសុខទុក្ខគ្រួសារកូនភ្លោះបីនាក់ រស់នៅភូមិកក់ ឃុំជប់វារី ស្រុកព្រះនេត្រព្រះ
ភ្នំពេញ៖ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត និងលោកជំទាវ ជ័យ ណារី អ៊ុំ រាត្រី នារសៀលថ្ងៃសុក្រ ទី៧ ខែកក្កដា ឆ្នាំ២០២៣ បានអញ្ជើញដឹកនាំក្រុមការងាកាកបាទក្រហមកម្ពុជាខេត្តស្រុក ព្រមទាំងក្រុមការងារសមាគមនារីដើម្បីសន្តិភាព និងអភិវឌ្ឍន៍ខេត្ត នាំយកអំណោយជាគ្រឿងឧបភោគ បរិភោគ សម្ភារៈប្រើប្រាស់ជាច្រើនមុខ និងថវិកាចំនួន ៣លានរៀល និងសួរសុខទុក្ខគ្រួសារកូនភ្លោះបីនាក់ រស់នៅភូមិកក់ ឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ។
ក្នុងឱកាសនោះ ដោយពិនិត្យឃើញពីស្ថានភាពលំបាកខ្វះខាត ឯកឧត្តមប្រធានគណៈកម្មាធិការសាខា បានសម្រេចជួយសាងសង់ផ្ទះអំណោយ កាកបាទក្រហមកម្ពុជា ១ខ្នងជូនផងដែរ ៕
