ឧបនាយករដ្ឋមន្ត្រី ប៊ិន ឈិន អញ្ជើញបើកយុទ្ធនាការឃោសនាបោះឆ្នោត ជ្រើសរើសតំណាងរាស្រ្ត នីតិកាលទី៧ ឆ្នាំ២០២៣ លើកទី២ សម្រាប់ស្រុកត្រាំកក់ និងស្រុកត្រាំកក់ដោយមានសមាជិកចូលរួមជាង ៥ពាន់នាក់

ភ្នំពេញ៖ ឯកឧត្តម កិត្តិនីតិកោសលបណ្ឌិត ប៊ិន ឈិន ឧបនាយករដ្ឋមន្ត្រីប្រចាំការ រដ្ឋមន្ត្រីទីស្តីការគណរដ្ឋមន្ត្រី និងជាប្រធានក្រុមការងារថ្នាក់ជាតិចុះមូលដ្ឋានខេត្តតាកែវ នាព្រឹកថ្ងៃសៅរ៍ ទី០៨ ខែកក្កដា ឆ្នាំ២០២៣ បានអញ្ជើញបើកយុទ្ធនាការឃោសនារកសម្លេងឆ្នោតសម្រាប់ជ្រើសរើសតំណាងរាស្រ្ត នីតិកាលទី៧ ឆ្នាំ២០២៣ លើកទី២ ដែលបានរៀបចំធ្វើឡើងសម្រាប់ហែក្បួនឃោសនា នៅស្រុកត្រាំកក់ និងក្រុងដូនកែវ ដោយមានសមាជិក សមាជិកគណបក្សចូលរួមជាង ៥,០០០នាក់។

នៅក្នុងពិធីបើកយុទ្ធនាការឃោសនាលើកទី២ នេះដែរ ក៏មានការអញ្ជើញចូលរួមពី ឯកឧត្តម លោកជំទាវ បេក្ខជនឈរឈ្មោះតំណាងរាស្រ្ត របស់ គណបក្សប្រជាជនកម្ពុជា និង ឯកឧត្តម លោកជំទាវ ប្រធាន អនុប្រធាន ក្រុមការងារ ចុះមូលដ្ឋាន ស្រុក ក្រុង ឃុំ សង្កាត់ និងភូមិ ឯកឧត្តម អ៊ូច ភា ប្រធានគណបក្សខេត្ត ឯកឧត្តម យស ណាស៊ី ប្រធានគណៈអចិន្រ្តៃយ៍ខេត្ត ឯកឧត្តម លោកជំទាវ ថ្នាក់ដឹកនាំជាច្រើនរូបផងដែរ ៕