ការវាយប្រហារតាមអាកាសរបស់សហរដ្ឋអាមេរិកបានសម្លាប់សមាជិកក្រុម al-Shabaab ១០ នាក់នៅក្នុងប្រទេសសូម៉ាលី
ប្រទេសសូម៉ាលី÷ក្រសួងការពារជាតិបានប្រកាសថា សមាជិក al-Shabaab ដប់នាក់ត្រូវបានសម្លាប់ដោយការវាយប្រហារតាមអាកាសដែលធ្វើឡើងដោយបញ្ជាការអាហ្វ្រិកអាមេរិកក្នុងប្រទេសសូម៉ាលីក្នុងរយៈពេលពេញមួយយប់នៃថ្ងៃសៅរ៍។
បញ្ជាការដ្ឋានអាហ្រ្វិកអាមេរិក បាននិយាយនៅក្នុងសេចក្តីថ្លែងការណ៍មួយថា “តាមសំណើរបស់រដ្ឋាភិបាលសហព័ន្ធនៃប្រទេសសូម៉ាលី បញ្ជាការដ្ឋានអាហ្រ្វិករបស់សហរដ្ឋអាមេរិកបានធ្វើការវាយប្រហារតាមអាកាសស្វ័យការពារជាសមូហភាពមួយយប់ នៅក្នុងតំបន់ដាច់ស្រយាលមួយនៅជិត Afmadow ចម្ងាយប្រហែល ១០៥ គីឡូម៉ែត្រភាគខាងជើងនៃទីក្រុង Kismayo ប្រឆាំងនឹងពួកភេរវករ al-Shabaab” ។
ការវាយតម្លៃដំបូងរបស់កងទ័ពជាតិសូម៉ាលី និងទីបញ្ជាការអាហ្រ្វិកអាមេរិក បានរកឃើញថា សមាជិកក្រុមភេរវករ ១០នាក់ត្រូវបានសម្លាប់ ហើយមិនមានជនស៊ីវិលណាម្នាក់រងរបួសនោះទេ នេះបើយោងតាមសេចក្តីថ្លែងការណ៍មួយ។Al-Shabaab គឺជាបណ្តាញ al Qaeda ដ៏ធំ និងសកម្មបំផុតនៅក្នុងពិភពលោក នេះបើយោងតាមបញ្ជាការអាហ្វ្រិករបស់សហរដ្ឋអាមេរិក។ក្រុមនេះបានគ្រប់គ្រងតំបន់ដ៏ធំនៃប្រទេសសូម៉ាលី មុនពេលត្រូវបានរុញត្រឡប់មកវិញដោយការវាយលុករបស់រដ្ឋាភិបាលកាលពីឆ្នាំមុន នេះបើយោងតាម Reuters ។ទោះជាយ៉ាងណាក៏ដោយ ពួកសកម្មប្រយុទ្ធនៅតែបន្តបើកការវាយប្រហារដ៍សាហាវនៅទូទាំងប្រទេសក្នុងគោលបំណងផ្តួលរំលំរដ្ឋាភិបាលកណ្តាល និងបង្កើតច្បាប់ដោយផ្អែកលើការបកស្រាយដ៏តឹងរឹងនៃច្បាប់ Sharia របស់សាសនាអ៊ីស្លាម។
កាលពីចុងខែឧសភា ក្រុមយុទ្ធជន al-Shabaab បានបើកការវាយប្រហារលើមូលដ្ឋានយោធាសហភាពអាហ្រ្វិកមួយក្នុងប្រទេសសូម៉ាលី ដែលក្នុងនោះទាហាន Ugandan យ៉ាងតិច ៥៤ នាក់ត្រូវបានសម្លាប់ នេះបើយោងតាមមន្ត្រី Ugandan ។សហរដ្ឋអាមេរិកបានផ្តល់ការគាំទ្រជាបន្តបន្ទាប់ដល់រដ្ឋាភិបាលសូម៉ាលី ចាប់តាំងពីប្រធានាធិបតី Joe Biden កាលពីឆ្នាំមុន បានយល់ព្រមលើសំណើរបស់មន្ទីរបញ្ចកោណ ដើម្បីដាក់ពង្រាយទាហានអាមេរិកឡើងវិញទៅកាន់តំបន់នេះ ក្នុងការប៉ុនប៉ងដើម្បីទប់ទល់នឹងក្រុមភេរវករ។
ការយល់ព្រមក្នុងការបញ្ជូនទាហានតិចជាង ៥០០ នាក់គឺជាការច្រានចោលការសម្រេចចិត្តឆ្នាំ ២០២០ របស់អតីតប្រធានាធិបតី Donald Trump ក្នុងការដកកងទ័ពអាមេរិកស្ទើរតែទាំងអស់ចេញពីប្រទេស។សហរដ្ឋអាមេរិកបានចាប់ផ្តើមការវាយប្រហារជាច្រើនប្រឆាំងនឹងក្រុមអាល់សាបានៅឆ្នាំនេះ រួមទាំងការវាយប្រហារមួយដែលបានសម្លាប់អ្នកប្រយុទ្ធចំនួន ៣០ នាក់នៅក្នុងខែមករា និងបីនៅក្នុងខែកុម្ភៈ ដែលបានសម្លាប់ទាហានសរុប ២៤ នាក់។
ប្រភពព័ត៌មាន:CNN News
ប្រែសំរួលដោយ:យ៉េន សុវណ្ណារ៉ា
