វគ្គរំលឹកស្តីពី ការអនុវត្តកម្មវិធី និងការឧបត្ថម្ភអត្រាថ្មី សម្រាប់កម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆ្នាំ
ភ្នំពេញ៖ ដើម្បីឆ្លើយតបទៅនឹងអនុសាសន៍ដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន កាលពីថ្ងៃទី២២ ខែឧសភា ឆ្នាំ២០២៣ ស្តីពីការតម្លើងអត្រាឧបត្ថម្ភថ្មី សម្រាប់កម្មវិធី ឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារអាយុក្រោម២ឆ្នាំ និងដោយមានការណែនាំចង្អុលបង្ហាញពី ឯកឧត្តម វង សូត រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា និងឯកឧត្តមរដ្ឋមន្រ្តីប្រតិភូអមនាយករដ្ឋមន្រ្តី និងក្រុមប្រឹក្សាភិបាលនៃមូលនិធិជាតិជំនួយសង្គម នៅព្រឹកថ្ងៃទី១២ ខែកក្កដា ឆ្នាំ២០២៣ ឯកឧត្តម ឈួរ សុបញ្ញា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃមូលនិធិជាតិជំនួយសង្គម បានដឹកនាំនាយកដ្ឋានជំនាញរៀបចំអនុក្រឹត្យ ស្តីពីការកែសម្រួល និងការបំពេញបន្ថែមនៃអនុក្រឹត្យលេខ២៤៥អនក្រ.បក ចុះថ្ងៃទី៣១ ខែធ្នូ ឆ្នាំ២០១៩ ស្តីពីការអនុវត្តកម្មវិធីឧបត្ថម្ភសាច់ ប្រាក់ជូនស្រ្តីមានផ្ទៃពោះ និងកុមារអាយុក្រោម២ឆ្នាំ ដែលគ្រោងនឹងបង្ហាញពីនិតិវិធីនៃការអនុវត្ត។
វគ្គបណ្តុះបណ្តាលនេះមានគោលបំណងពង្រឹងសមត្ថភាពគ្រូបង្គោលថ្នាក់រាជធានី ខេត្ត សម្រាប់បណ្តុះបណ្តាលបន្តដល់មន្រ្តីទទួលបន្ទុកកម្មវិធីឃុំ សង្កាត់ និងមូលដ្ឋានសុខាភិបាលសាធារណៈ សម្រាប់ការអនុវត្តអាត្រាឧបត្ថម្ភថ្មី នៃកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារអាយុក្រោម២ឆ្នាំ ដែលចាប់ផ្តើមអនុវត្តនៅថ្ងៃទី០១ ខែសីហា ឆ្នាំ២០២៣តទៅជូនមន្រ្តីប្រតិបត្តិថ្នាក់ជាតិ ប្រធាន-មន្រ្តី ប្រតិបត្តិកម្មវិធីរាជធានី ខេត្ត ទាំង២៥ ៕
