នគរបាលរដ្ឋបាលឃុំប៉ាក់ខ្លង ចេញល្បាតចាប់ខ្លួនជនសង្ស័យ ៦នាក់ ពាក់ព័ន្ធករណីគ្រឿងញៀន
កោះកុង៖ នៅថ្ងៃទី១២ ខែកក្កដា ឆ្នាំ២០២៣ វេលាម៉ោង១៥និង០០នាទី កម្លាំងប៉ុស្តិ៍នគរបាលរដ្ឋបាលឃុំប៉ាក់ខ្លង ស្រុកមណ្ឌលសីមា ខេត្តកោះកុង បានធ្វើការល្បាតជួបមុខសញ្ញាសង្ស័យកំពុងប្រើប្រាស់គ្រឿងញៀនខុសច្បាប់ រួចបានធ្វើការឃាត់ខ្លួនចំនួន ៦នាក់ ស្រី១នាក់។
ជនសង្ស័យ ទាំង៦នាក់នោះរួមមាន៖ ១/ ឈ្មោះ ទើ ចាន់ អាយុ២៩ ឆ្នាំ ,២/ ឈ្មោះ ឃឹម ម៉េងហុង អាយុ២១ ឆ្នាំ ,៣/ ឈ្មោះ ឈុំ សុគុន្ធី ភេទ ស្រី អាយុ ៣៦ ឆ្នាំ ,៤/ ឈ្មោះ ហៅ ចាន់ណា អាយុ២៩ឆ្នាំ ,៥/ ឈ្មោះ ពៅ ចិត្រា អាយុ២៩ឆ្នាំ ,៦/ ឈ្មោះ ឆៃ ឆាយា អាយុ ១៦ ឆ្នាំ។
ដកហូតវត្ថុតាងរួមមាន៖ ម្សៅក្រាមសថ្លាសង្ស័យសារធាតុញៀនចំនួន ៣កញ្ចប់តូច ,ដែកកេះកែឆ្នៃ, ឧបករណ៍សំរាប់ជក់មួយចំនួន ,ទូរស័ព្ទ ៣គ្រឿង និងអាវុធកែឆ្នៃ១ដើម ដាវ២ដើម។
បច្ចុប្បន្នជនសង្ស័យទាំង ៦នាក់ កម្លាំងជំនាញកសាងបំពេញរឿងបញ្ជូនទៅការិយាល័យប្រឆាំងគ្រឿងញៀនចាត់ការតាមនិតិវិធី៕
