ឯកឧត្តម ឈួរ សុបញ្ញា អញ្ជើញជួបសំណេះសំណាល និងបង្រៀនគូសសន្លឹកឆ្នោតដល់លោកគ្រូអ្នកគ្រូ យុវជនគណបក្សឃុំ និងបុគ្គលិកមណ្ឌលសុខភាព ស្ថិតក្នុងឃុំក្រែក ស្រុកពញាក្រែក

ភ្នំពេញ៖ ឯកឧត្តម ឈួរ សុបញ្ញា ប្រធានក្រុមការងារគណបក្សប្រជាជនកម្ពុជាចុះជួយមូលដ្ឋានឃុំក្រែក នាព្រឹកថ្ងៃទី១៣ ខែកក្កដា​ ឆ្នាំ២០២៣ បានអញ្ជើញជួបសំណេះសំណាល និងបង្រៀនគូសសន្លឹកឆ្នោតដល់លោកគ្រូអ្នកគ្រូចំនួន ២០០នាក់ យុវជនគណបក្សឃុំចំនួន ៨១នាក់ និងបុគ្គលិកមណ្ឌលសុខភាពចំនួន ២២នាក់ ស្ថិតក្នុងឃុំក្រែក ស្រុកពញាក្រែក ខេត្តត្បូងឃ្មុំ។

ក្នុងឱកាសនោះដែរ ឯកឧត្តម ឈួរ សុបញ្ញា ក៏បានជំរុញទៅដល់សមាជិក សមាជិកាគណបក្សឃុំ និងបងប្អូនប្រជាពលរដ្ឋដែលមានឈ្មោះក្នុងបញ្ជីឈ្មោះបោះឆ្នោត សូមអញ្ជើញទៅបោះឆ្នោតជូនគណបក្សប្រជាជនកម្ពុជា អោយបានគ្រប់ៗគ្នា និងបន្តគាំទ្រសម្ដេចតេជោ ហ៊ុន សែន ជានាយករដ្ឋមន្រ្តី អាណត្តិទី៧ និងអាណត្តិបន្តបន្ទាប់ទៀត និងគាំទ្រឯកឧត្តម បណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្រ្តី នាពេលអនាគត ៕