សាខាកាកបាតក្រហម ខេត្តបន្ទាយមានជ័យ ប្រកាសទទួលស្គាល់ការកែសម្រួលសមាសភាពថ្មី នៃគណៈកម្មាធិការសាខាកក្រកខេត្ត អាណត្តិទី៥
ភ្នំពេញ៖ នារសៀលថ្ងៃទី១៤ ខែកក្កដា ឆ្នាំ២០២៣ នៅទីស្នាក់ការ សាខាកក្រក ខេត្តបន្ទាយមានជ័យ បានរៀបចំពិធី ប្រកាសទទួលស្គាល់ការកែសម្រួល សមាសភាពថ្មីនៃគណៈកម្មាធិការសាខាកក្រកអាណត្តិទី៥ ក្រោមអធិបតីភាព ឯកឧត្តម ខេង ស៊ុម ប្រធានកិត្តិយស សាខា និងឯកឧត្តម អ៊ុំ រាត្រី ប្រធានគណៈកម្មាធិការសាខា ព្រមទាំងមានការចូលរួមពីឯកឧត្តម លោកជំទាវ លោក លោកស្រីក្នុងជូរគណៈកម្មាធិការសាខា ក្រុមប្រតិបត្តិសាខា គណៈកម្មាធិការអនុសាខា ក្រុមកក្រក សង្កាត់ អ្នកស្ម័គ្រចិត្តកក្រក និង យុវជនកក្រក។
ការកែសម្រួលសមាសភាពថ្មីនៃគណៈកម្មាធិការសាខាកក្រកអាណត្តិទី៥ មានដូចខាងក្រោម÷
១.លោកបឹង គឹមសឹង ជាសមាជិកពេញសិទ្ធិ ឡើងជាអនុប្រធានគណៈកម្មាធិការសាខា ជំនួស ឯកឧត្តម សួន សុធី អនុប្រធានគណៈកម្មាធិការសាខាដែលបានទទួលភារៈកិច្ចថ្មីជារដ្ឋលេខាធិការក្រសួងសង្គមកិច្ច អតីតយុទ្ធជន និងយុវនិតិសប្បទា។
២.ឯកឧត្តមឡេ ច័ន្ទសង្វាត ជាសមាជិកពេញសិទ្ធិ ជំនួស ឯកឧត្តម កែវសុភ័ក្រ្តា ដែលបានទទួលភារៈកិច្ចថ្មីជាទីប្រឹក្សាក្រសួងសុខាភិបាល។
៣.លោកស្រីមុយ សុខឡែន ជាសមាជិកាបម្រុង ជាសមាជិកាពេញសិទ្ធិ ជំនួសកន្លែង លោកបឹង គឹមសឹង ឡើងទៅជាអនុប្រធាន។
៤.លោកជា យុទ្ធារុណ ជាសមាជិកបម្រុង ។
៥.លោក អាង ណារិទ្ធ ជាសមាជិកបម្រុង។
ដូចនេះគណៈកម្មាធិការសាខាកក្រក អាណត្តិទី៥បច្ចុប្បន្នមានសមាជិកចំនួន១៥រូប មានប្រធាន១រូប អនុប្រធានអចិន្ត្រៃយ៍១រូប អនុប្រធាន២រូប សមាជិក១១រូប(សមាជិកបម្រុង២រូប)។
ក្នុងពិធីប្រកាសទទួលស្គាល់ការកែសម្រួលថ្មីនៃគណៈកម្មាធិការសាខាឯកឧត្តម អ៊ុំ រាត្រី ប្រធានគណៈកម្មាធិការសាខាបានផ្តាំផ្ញើដល់ សមាជិក សមាជិកាទាំងអស់ សូមចូលរួមសាមគីគ្នា ដើម្បីសកម្មភាពមនុស្សធម៌ ជួយដល់ជនងាយរងគ្រោះ និងជនរងគ្រោះ ដែលពួកគេត្រូវការជំនួយពីកាកបាទក្រហមកម្ពុជា និងសប្បុរជននានាទូទាំងប្រទេស និងទាំសកលលោក។
ដូចក្នុងប្រធានបទទិវាពិភពលោក កាកបាទក្រហម និងអឌ្ឍចន្ទក្រហម ៨ឧសភា២០២៣ ខួបទី១៦០ «រួមគ្នាជាមួយកាកបាទក្រហមកម្ពុជាដើម្បីបរយាបន្នសង្គម» ៕
