ក្រុមការងារគណបក្សប្រជាជនកម្ពុជាចុះជួយឃុំក្រែក បន្តចុះជួបសំណេះសំណាលជាមួយបងប្អូនឥស្លាម និងចូលរួមរំលែកមរណទុក្ខជាមួយគ្រួសារ សមាជិកបក្សឥស្លាម នៅភូមិជិមាន់លិច ឃុំក្រែក ស្រុកពញាក្រែក

ភ្នំពេញ៖ ក្រុមការងារគណបក្សប្រជាជនកម្ពុជាចុះជួយឃុំក្រែក រួមជាមួយគណកម្មាធិការគណបក្សឃុំក្រែក ដឹកនាំដោយឯកឧត្តម ឈួរ សុបញ្ញា នៅថ្ងៃទី១៨ ខែកក្កដា ឆ្នាំ២០២៣ បានអញ្ជើញបន្តចុះជួបសំណេះសំណាលជាមួយបងប្អូនឥស្លាម និងចូលរួមរំលែកមរណទុក្ខជាមួយគ្រួសារ សមាជិកបក្សឥស្លាម នៅភូមិជិមាន់លិច ឃុំក្រែក ស្រុកពញាក្រែក ខេត្តត្បូងឃ្មុំ។

ក្នុងឱកាសនោះដែរ ឯកឧត្តម ឈួរ សុបញ្ញា ក៏បានជំរុញទៅដល់សមាជិក សមាជិកាគណបក្សឃុំ និងបងប្អូនប្រជាពលរដ្ឋដែលមានឈ្មោះក្នុងបញ្ជីឈ្មោះបោះឆ្នោត សូមអញ្ជើញទៅបោះឆ្នោតជូនគណបក្សប្រជាជនកម្ពុជា ដែលមានរូបសញ្ញា «ទេវតាបាចផ្កា» ជាសម្គាល់ និងមានលេខរៀងទី១៨ ឱ្យបានគ្រប់ៗគ្នា និងបន្តគាំទ្រសម្ដេចតេជោ ហ៊ុន សែន ជានាយករដ្ឋមន្រ្តី អាណត្តិទី៧ និងអាណត្តិបន្តបន្ទាប់ទៀត និងគាំទ្រ ឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្រ្តី សម្រាប់ពេលអនាគត ៕