ក្រុមអាជីវករ និងម្ចាស់ផ្សារជីមាន់ ក្នុងឃុំក្រែក ស្រុកពញាក្រែក ថ្លែងអំណរគុណចំពោះក្រុមការងារគណបក្សចុះមូលដ្ឋានឃុំក្រែក ដែលបានជួយសម្របសម្រួលជួសជុលដំបូលផ្សារ និងស្តារប្រព័ន្ធលូជុំវិញផ្សារ

ភ្នំពេញ៖ ក្រុមការងារគណបក្សប្រជាជនកម្ពុជាចុះមូលដ្ឋានឃុំក្រែក រួមជាមួយគណៈកម្មាធិការបក្សមូលដ្ឋានឃុំក្រែក ដឹកននាំដោយឯកឧត្តម ឈួរ សុបញ្ញា នៅថ្ងៃទី១៨ ខែកក្កដា ឆ្នាំ២០២៣ បានអញ្ជើញបន្តចុះជួបសំណេះសំណាលជាមួយក្រុមអាជីវករ និងម្ចាស់ផ្សារជីមាន់ តាមការសន្យា ក្រោយពេលដំបូលផ្សារជីមាន់ត្រូវបានជួសជុល និងប្រព័ន្ធលូត្រូវបានស្តារ ស្ថិតតក្នុងឃុំក្រែក ស្រុកពញាក្រែក ខេត្តត្បូងឃ្មុំ។

ក្រុមអាជីវករបានថ្លែងអំណរគុណចំពោះឯកឧត្តមប្រធានក្រុមការងារគណបក្ស និងគណ:កម្មាធិការបក្សឃុំ ដែលបានជួយសម្របសម្រួល និងជួយជួសជុលដំបូលផ្សារ និងស្តារប្រព័ន្ធលូជុំវិញផ្សារ ជាក់ស្តែងដូចការសន្យា មិនមែនបានតែថាទេ ហើយប្តេជ្ញាបោះឆ្នោតជូនគណបក្សប្រជាជនកម្ពុជានៅថ្ងៃទី២៣ ខែកក្កដា ឆ្នាំ២០២៣ខាងមុខនេះ។

ក្នុងឱកាសនោះដែរ ឯកឧត្តម ឈួរ សុបញ្ញា ក៏បានជំរុញទៅដល់ បងប្អូនអាជីវករ និងប្រជាពលរដ្ឋដែលមានឈ្មោះក្នុងបញ្ជីឈ្មោះបោះឆ្នោត សូមអញ្ជើញទៅបោះឆ្នោតជូនគណបក្សប្រជាជនកម្ពុជា ដែលមានរូបសញ្ញា «ទេវតាបាចផ្កា» ជាសម្គាល់ និងមានលេខរៀងទី១៨ ឱ្យបានគ្រប់ៗគ្នា និងបន្តគាំទ្រសម្ដេចតេជោ ហ៊ុន សែន ជានាយករដ្ឋមន្រ្តី អាណត្តិទី៧ និងអាណត្តិបន្តបន្ទាប់ទៀត និងគាំទ្រ ឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្រ្តី សម្រាប់ពេលអនាគត ៕