សម្តេចចៅហ្វាំង គង់ សំអុល អញ្ជើញបិទបញ្ចប់នៃយុទ្ធនាការឃោសនាបោះឆ្នោត នឹងហែក្បួនធំនៅតាមក្រុងស្រុកទូទាំងខេត្តកំពង់ឆ្នាំង ដោយមានអ្នកចូលរួមប្រមាណជាង ១០ម៉ឺននាក់

ភ្នំពេញ៖ នៅថ្ងៃបិទបញ្ចប់នៃយុទ្ធនាការឃោសនាបោះឆ្នោត នៅព្រឹកថ្ងៃទី២១ ខែកក្កដា ឆ្នាំ២០២៣ គណបក្សប្រជាជនកម្ពុជាខេត្តកំពង់ឆ្នាំង ក្នុងចំណោមគណបក្សនយោបាយទាំង១៨ ដែលបានចុះឈ្មោះចូលរួមប្រកួតប្រជែងក្នុងការបោះឆ្នោតជ្រើសរើសតំណាងរាស្រ្តនីតិកាលទី៧ នឹងហែក្បួនធំនៅតាមក្រុងស្រុកទូទាំងខេត្ត ដោយមានអ្នកចូលរួមប្រមាណជាង ១០ម៉ឺននាក់។

កម្មវិធីបានប្រព្រឹត្តិទៅក្រោមអធិបតីភាព សម្តេចចៅហ្វាំង គង់ សំអុល សមាជិកគណៈអចិន្រ្តៃយ៍គណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារចុះមូលដ្ឋានខេត្តកំពង់ឆ្នាំង ព្រមទាំងមានការអញ្ជើញចូលរួមពីសណាក់ ឯកឧត្តម បណ្ឌិតសភាចារ្យ អ៊ុក រ៉ាប៊ុន ឯកឧត្តម លោកជំទាវ អនុប្រធាន ក្រុមការងារគណបក្សចុះមូលដ្ឋានខេត្ត និងគណៈអន្រ្តៃយ៍គណៈកម្មាធិការគណយក្សខេត្តកំពង់ឆ្នាំង ដែលបានដឹកនាំដង្ហែក្បួន បង្ហាញកម្លាំងគាំទ្រគណបក្សប្រជាជនកម្ពុជា និងចាត់តាំងពិធីបិទឃោសនាបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ ៕