ឯកឧត្តម អ៊ូច ភា បានអញ្ជើញទៅបោះឆ្នោត រួចរាល់ហើយ នៅព្រឹកនេះ

ភ្នំពេញ៖ ឯកឧត្តម អ៊ូច ភា អភិបាលខេត្តតាកែវ នាព្រឹកថ្ងៃទី២៣ ខែកក្កដា ឆ្នាំ២០២៣ បានអញ្ជើញទៅបោះឆ្នោត ជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ រួចរាល់ហើយ។

សូមជម្រាបជូនថា នៅទូទាំងខេត្តតាកែវ មានចំនួន ៨អាសនៈ ក្នុងនោះមានគណបក្សនយោបាយចំនួន ១៤គណបក្ស បានចូលរួមឈរឈ្មោះ សម្រាប់ការចូលរួមបោះឆ្នោត ជ្រើសតាំងតំណាងរាស្រ្តនីតិកាលទី៧ ឆ្នាំ២០២៣ និងមានប្រជាពលរដ្ឋមានឈ្មោះនៅបញ្ជីឈ្មោះបោះឆ្នោតឆ្នាំ២០២២ ចំនួន ៦៦៨,៥៤៨នាក់ ដោយក្នុងនោះដែរ ប្រជាពលរដ្ឋ ដែលបានមកស្នើសុំឯកសារបញ្ជាក់អត្តសញ្ញាណ (ឯ.អ) តាមបណ្ដាការិយាល័យបោះឆ្នោត ឃុំ សង្កាត់ សរុបចំនួន ១៦៤៨៧សន្លឹក និងសម្រាប់ទូទាំងខេត្តតាកែវ មានការិយាល័យបោះឆ្នោត សរុបចំនួន ១៥៩៥ការិយាល័យ ដោយក្នុងនោះមាន កម្លាំងការពារសន្តិសុខសណ្ដាប់ធ្នាប់ នៅតាមបណ្ដាការិយាល័យបោះឆ្នោត សរុបចំនួន ២៧៣០នាក់ ក្នុងនោះកម្លាំងនគរបាល ៦០២នាក់ និងកម្លាំងប្រជាការពារ ១១២៨នាក់ ៕