ប្រជាពលរដ្ឋងាយរងគ្រោះ ១៥០គ្រួសារ នៅស្រុកក្រឡាញ់ បានទទួលអណោយមនុស្សធម៌ពីសាខាកាកបាទក្រហមកម្ពុជា ខេត្តសៀមរាប
ភ្នំពេញ៖ ឯកឧត្តម ទៀ សីហា ប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប កាលពីព្រឹកថ្ងៃទី ២៥ ខែកក្កដា ឆ្នាំ២០២៣ បានចាត់លោក គុជ លីណា អនុប្រធានគណៈកម្មាធិការសាខា ចុះជួបសំណេះសំណាលសួរសុខទុក្ខ និងនាំយកអំណោយមនុស្សធម៌ជូនប្រជាពលរដ្ឋងាយររងគ្រោះចំនួន១៥០គ្រួសារនៅក្នុងស្រុកក្រឡាញ់មកពី៖
១- ឃុំចន្លាស់ដៃ ចំនួន៣០គ្រួសារ
២- ឃុំកំពង់ថ្កូវ ចំនួន៣០គ្រួសារ
៣- ឃុំក្រឡាញ់ ចំនួន៣០គ្រួសារ
៤- ឃុំក្រូចគរ ចំនួន៥គ្រួសារ
៥- ឃុំរោងគោ ចំនួន១០គ្រួសារ
៦- ឃុំសំបួរ ចំនួន១០គ្រួសារ
៧- ឃុំសែនសុខ ចំនួន១០គ្រួសារ
៨- ឃុំស្នួល ចំនួន៥គ្រួសារ
៩- ឃុំស្រណាល ចំនួន១០គ្រួសារ
១០- ឃុំតាអាន ចំនួន១០គ្រួសារ
ពិធីសំណេះសំណាល និងផ្ដល់អំណោយមនុស្សធម៌នេះរៀបចំនៅអនុសាខាកាកបាទក្រហមកម្ពុជា ស្រុកក្រឡាញ់។
មានប្រសាសន៍នាឱកាសនោះ លោក គុជ លីណា អនុប្រធានគណៈកម្មាធិការសាខា បានពាំនាំនូវការផ្ដាំផ្ញើសួរសុខទុក្ខពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជាឯកឧត្តម ទៀ សីហា ប្រធានគណៈកម្មាធិការសាខា ដែលតែងតែយកចិត្តទុកដាក់គិតគូរខ្ពស់ចំពោះសុខទុក្ខប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ។
លោកបានលើកឡើងថា អំណោយមនុស្សធម៌ដែលបាននាំយកមកចែកជូនបងប្អូននាពេលនេះ អាចជួយសម្រាលទុក្ខលំបាករបស់បងប្អូនបានមួយកម្រិត ហើយ កាកបាទក្រហមកម្ពុជា ដែលមានសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅតែបន្តយកចិត្តទុកដាក់ និងសហការជាមួយអាជាធរសាធារណៈ ក្នុងការជួយសម្រាលទុក្ខលំបាករបស់បងប្អូនប្រជាពលរដ្ឋយើង ដូចដែលបានលើកឡើងថា “កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា-មិនទុកនរណាម្នាក់ចោល” និង “ទីណាមានទុក្ខលំបាក ទីនោះមានកាកបាទក្រហមកម្ពុជា”។
លោកក៏បានក្រើនរំឮកបងប្អូនប្រជាពលរដ្ឋថា នេះជារដូវវស្សា សូមបងប្អូនមេត្តាប្រុងប្រយ័ត្នចំពោះសុខភាពផ្ទាល់ខ្លូន ក៏ដូចជាកូនចៅផង បើឃើញសភាពមិនស្រួលត្រូវប្រញាប់ទៅមន្ទីរពេទ្យ ឬមណ្ឌលសុខភាពដែលនៅជិតផ្ទះដើម្បីពិគ្រោះ និងព្យាបាលបានទាន់ពេលវេលា។
អំណោយមនុស្សធម៌ដែលបានផ្ដល់ជូន១គ្រួសារមាន៖ មុង១ ភួយ១ សារុង១ ក្រមា១ មី១កេស ទឹកត្រី១យួរ ត្រីខ១យួរ ស្កសរ១គីឡូក្រាម អំបិល១គីឡូក្រាម អង្ករ៣០គីឡូក្រាម និងថវិកា៥ម៉ឺនរៀល៕
