នាយទាហាន នាយទាហានរង និងពលទាហាន ១០ ០០៥ នាក់ នៃអគ្គបញ្ជាការដ្ឋាននៃកងយោធពលខេមរភូមិន្ទ បានរួមគ្នាបរិច្ចាគថវិកាចំនួន ១៦១ ៩៤០ ០០០ រៀល ជូនមូលនិធិគន្ធបុប្ផាកម្ពុជា

   ភ្នំពេញ៖ នៅរសៀលថ្ងៃទី២៧ ខែកក្កដា ឆ្នាំ២០២៣ ក្នុងស្មារតីខ្មែរជួយខ្មែរ នាយទាហាន នាយទាហានរង និងពលទាហាន ចំនួន ១០ ០០៥ នាក់ នៃអគ្គបញ្ជាការដ្ឋាននៃកងយោធពលខេមរភូមិន្ទ បានរួមគ្នាបរិច្ចាគថវិកាចំនួន ១៦១ ៩៤០ ០០០ រៀល ជូនមូលនិធិគន្ធបុប្ផាកម្ពុជា សម្រាប់ត្រីមាសទី២ ឆ្នាំ២០២៣។

ក្នុងនាមឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី និងជាប្រធានក្រុមប្រឹក្សាបរធនបាលនៃមូលនិធិគន្ធបុប្ផាកម្ពុជា, ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជានាយកប្រតិបត្តិនៃមូលនិធិគន្ធបុប្ផាកម្ពុជា បានថ្លែងអំណរគុណយ៉ាងជ្រាលជ្រៅជូននាយទាហាន នាយទាហានរង និងពលទាហាន តាមរយៈ ឯកឧត្តម នាយឧត្ដមសេនីយ៍ ម៉ក់ សារុន អគ្គមេបញ្ជាការរងនៃកងយោធពលខេមរភូមិន្ទ តំណាងដ៏ខ្ពង់ខ្ពស់របស់ ឯកឧត្តម នាយឧត្ដមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ ចំពោះទឹកចិត្តដ៏សប្បុរស ក្នុងការរួមគ្នានាំភាពញញឹមដល់កុមារដែលជាអនាគតដ៏ភ្លឺស្វាងរបស់កម្ពុជា បន្ថែមលើការខិតខំការពារជាតិមាតុភូមិ៕