ឯកឧត្តមបណ្ឌិត ហ៊ុន ម៉ាណែត និងលោកជំទាវ ផ្តល់អំណោយជូនអតីតយុទ្ធ ជួបការលំបាក ក្នុងស្រុកម៉ាឡៃ
ភ្នំពេញ៖ ឧត្តមសេនីយ៍ត្រី សឹង្ហ ទុំ មេបញ្ជាការ កងពលតូចថ្មើរជើងលេខ៥១ នាថ្ងៃទី២ ខែសីហាឆ្នាំ២០២៣បានអញ្ជើញដឹកនាំក្រុមការងារ នាំយកអំណោយសប្បុរសធ៌ម របស់ឯកឧត្តម ហ៊ុន ម៉ាណែត និងលោកជំទាវ ជូនដល់អតីតយុទ្ធជន លោក ស្វាយ នឿន អតីត មេបញ្ជាការរងកងពលធំលេខ២១ មាន ជំងឺកំពុងសម្រាកព្យាបាលនៅផ្ទះស្ថិតនៅភូមិក្បាលទំនប់ ឃុំអូរសំព័រ ស្រុកម៉ាឡៃ ខេត្តបន្ទាយមានជ័យ ។អំណោយរួមមាន គ្រឿងឧបភោគបរិភោគចំនួន ៩មុខ និងថវិកា មួយចំនួន។
ក្នុងឱកាសនោះដែរលោកមេបញ្ជការកងពល បានជម្រាបជូនថា រាល់សុខទុក្ខ របស់អតីតយុទ្ធជន ថ្នាក់ដឹកនាំគ្រប់លំដាប់ថ្នាក់ តែងតែគិតគូ ជួយដោះស្រាយតាមលទ្ធភាពជាក់ស្តែង ជួយសម្រួលការលំបាកបានខ្លះ ក្នុងនាមអតីតមិត្តរួមអាវុធ ដើម្បីបុព្វហេតុជាតិមាតុភូម និងប្រជាជនកន្លងមក ៕
