ឧត្តមសេនីយ៍ទោ សួស សុខដារ៉ា ដឹកនាំកិច្ចប្រជុំបូកសរុបលទ្ធផលកិច្ចប្រតិបត្តិការប្រចាំខែ កក្តដា ឆ្នាំ២០២៣ និងលើកទិសដៅបន្តសម្រាប់ខែបន្ទាប់ របស់ស្នងការនគរបាលខេត្តព្រះវិហារ
ភ្នំពេញ៖ លោកឧត្តមសេនីយ៍ទោ សួស សុខដារ៉ា ស្នងការនគរបាលខេត្តព្រះវិហារ នាព្រឹកថ្ងៃព្រហស្បតិ៍ ២រោច ខែ ទុតិយាសាឍ ឆ្នាំ ព.ស ២៥៦៧ ត្រូវនឹងថ្ងៃទី០៣ ខែសីហា ឆ្នាំ២០២៣ បានអញ្ជើញដឹកនាំកិច្ចប្រជុំបូកសរុបលទ្ធផលកិច្ចប្រតិបត្តិការប្រចាំខែកក្តដា ឆ្នាំ២០២៣ និងលើកទិសដៅបន្ត។
ពិធីនេះក៏មានការអញ្ជើញចូលរួមពី លោក លោកស្រី ឧត្តមសេនីយ៍ វរសេនីយ៍ ស្នងការរង លោក លោកស្រី នាយ នាយរងការិយាល័យ លោក លោកស្រី អធិការ អធិការរងក្រុង ស្រុក ទាំង០៨ និងលោកនាយប៉ុស្តិ៍នគរបាលរដ្ឋបាលទាំង ៥១ប៉ុស្តិ៍ សរុបចំនួន ១៩៨នាក់ ស្រី ១០នាក់។
លោកវរសេនីយ៍ឯក ឆន សំអុល នាយការិយាល័យសរុបផែនការ បានអានរបាយការណ៍បូកសរុបលទ្ធផលកិច្ចប្រតិបត្តិការប្រចាំខែកក្តដាជូនកម្មវិធី។
លោកឧត្តមសេនីយ៍ត្រី ឆយ បូរិន ស្នងការរងផែនការងារសេនាធិការ បានផ្សព្វផ្សាយការងារសវនកម្ម និងការងារអនុវត្តផែនការសកម្មភាពប្រចាំឆ្នាំ២០២៣ ជូនកិច្ចប្រជុំ។
លោកវរសេនីយ៍ទោ ឃី ម៉េងឆែ អធិការនគរបាលស្រុកជាក្សាំន្ត ធ្វើសេចក្តីរាយការណ៍ស្តីពីសកម្មភាពបទល្មើស លួច ឆក់ ប្លន់ក្នុងភូមិសាស្រ្តគ្រប់គ្រងរបស់ខ្លួន។
លោកវរសេនីយ៍ឯក លី តៃឈន់ អធិការក្រុងព្រះវិហារ ធ្វើសេចក្តីរាយការណ៍ស្តីពីការគ្រប់គ្រង និងវិធានការបង្ការបង្រ្គាបបទល្មើសគ្រឿងញៀនក្នុងភូមិសាស្រ្ត។
លោកវរសេនីយ៍ឯក តៀម សង្រ្គាម នាយការិយាល័យ ប្រឹងការជួញដូរមនុស្ស និងការពារអនីតិជនធ្វើការណែនាំស្តីពីការពង្រឹងការអនុវត្តច្បាប់ការពារអនីតិជនជូនកិច្ចប្រជុំ។
លោកវរសេនីយ៍ឯក ហែម ងួនសេង ស្នងការរងផែនការងារអត្តសញ្ញាណកម្ម ធ្វើសេចក្តីរាយការណ៍ ស្តីពីការពង្រឹងការប្រមូលទិន្នន័យ និងផ្តលអត្តសញ្ញាណប័ណ្ណសញ្ជាតិខ្មែរ ព្រមទាំងអនុវត្តសេចក្តីណែនាំលេខ ០៣៩ សណន របស់ក្រសួងមហាផ្ទៃជូនកិច្ចប្រជុំ។
លោកវរសេនីយ៍ឯក សាយ ដេត ស្នងការរងផែនការងារសន្តិសុខ ធ្វើសេចក្តីរាយការណ៍ស្តីពីការវិវត្តន៍សភាពការទូទៅក្រោយពេលបោះឆ្នោតជូនកិច្ចប្រជុំ។
លោកឧត្តមសេនីយ៍ត្រី តាំង ហាក់ ស្នងការរងផែនការងារនគរបាលសណ្តាប់ធ្នាប់ ធ្វើការណែនាំពីការពង្រឹង និងជម្រុញអនុវត្តច្បាប់ចរាចរណ៍ផ្លូវគោកជូនកិច្ចប្រជុំ។
ក្នុងកិច្ចប្រជុំនេះផងដែរ លោកឧត្តមសេនីយ៍ទោ សួស សុខដារ៉ា ស្នងការនគរបាលខេត្ត បានធ្វើការគោតសរសើរយ៉ាងខ្លាំងចំពោះមន្រ្តីនគរបាលជាតិ នៃស្នងការដ្ឋាននគរបាលខេត្តព្រះវិហារទាំងអស់ដែលខិតខំយកចិត្តទុក្ខដាក់ការ ការពារសន្តិសុខ សណ្តាប់ធ្នាប់ជូនប្រជាពលរដ្ឋ ក្នុងការបោះឆ្នោតជ្រើសតាំងតំណាងរាស្រ្តនីតិកាលទី៧ ឆ្នាំ២០២៣កន្លងមកនេះ។
ជាថ្មីម្តងទៀតលោកឧត្តមសេនីយ៍ទោ ស្នងការ បានធ្វើការណែនាំ និងជម្រុញដល់អធិការដ្ឋានក្រុង ស្រុកទាំង០៨ ឲ្យយកចិត្តទុក្ខដាក់គោរពវិន័យឲ្យសមជាកងកម្លាំង និងខិតខំបម្រើប្រជាពលរដ្ឋ សាធារណជនទៅតាមតួនាទីភារកិច្ចរបស់ខ្លួន និងគោរពតាមបទបញ្ជារបស់ថ្នាក់ដឹកនាំ និងបន្តការពារសន្តិសុខ សុវត្ថិភាពជូនប្រជាពលរដ្ឋ និងរាជរដ្ឋាភិបាលរហូតដល់ថ្ងៃប្រកាសរាជរដ្ឋាភិបាលថ្មីនៅថ្ងៃខាងមុខនេះ។
ជាចុងបញ្ចប់ លោកឧត្តមសេនីយ៍ទោ ស្នងការ ជាកិក្តិយសបានចែកសៀវភៅលទ្ធផលប្រឡងប្រណាំងការអនុវត្តគោលនយោបាយភូមិ ឃុំ សង្កាត់ មានសុវត្ថិភាព ឆ្នាំ២០២២ ដល់អធិការនគរបាលក្រុង ស្រុកទាំង០៨ ៕
