ឯកឧត្តម ញ៉ែម សំអឿន ដឹកនាំកិច្ចប្រជុំគណៈអភិបាលខេត្តរតនគិរី ប្រចាំខែសីហាដើម្បីពិនិត្យ លើវឌ្ឍនភាព បញ្ហាប្រឈម និងទិសដៅសម្រាប់អនុវត្តបន្ត
ភ្នំពេញ៖ ឯកឧត្តម ញ៉ែម សំអឿន អភិបាលនៃគណៈអភិបាលខេត្តរតនគិរី នាព្រឹកថ្ងៃទី០៣ ខែសីហាឆ្នាំ២០២៣ បានអញ្ជើញជាអធិបតីដឹកនាំកិច្ចប្រជុំគណៈអភិបាលខេត្តប្រចាំខែសីហា ឆ្នាំ២០២៣ ដើម្បីពិនិត្យលើវឌ្ឍនភាព បញ្ហាប្រឈម និងទិសដៅសម្រាប់អនុវត្តបន្ត។
គោលបំណងនៃកិច្ចប្រជុំ គឺដើម្បីពិនិត្យលើសេចក្តីព្រាងរបាយការណ៍ដែលរដ្ឋបាលខេត្តបានប្រមូលចងក្រង ពី ទីចាត់ការ មន្ទីរអង្គភាពដែលធ្វើសកម្មភាពក្នុងដែនសមត្ថកិច្ចរបស់ក្រុមប្រឹក្សាខេត្ត ប្រចាំខែកក្កដា ឆ្នាំ២០២៣និងទិសដៅសម្រាប់អនុវត្តបន្ត និងពិនិត្យលើសេចក្តីព្រាងរបាយការណ៍ប្រចាំឆវាសទី១ របស់រដ្ឋបាលខេត្ត ៕
