ឧត្ដមសេនីយ៍ទោ ហួត សុធី នាំយកនូវថវិកាបេឡាមរណៈសង្គ្រោះ ប្រគល់ជូនគ្រួសារសព សមាជិក ស.អ.ក (ជនពិការ) ដែលទទួលមរណភាព នៅក្រុងសំរោង
ភ្នំពេញ៖ នៅថ្ងៃសុក្រ ០៣រោច ខែទុតិយាសាឍ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី០៤ ខែសីហា ឆ្នាំ២០២៣ គណៈកម្មាធិការសមាគមអតីតយុទ្ធជនកម្ពុជាខេត្តឧត្តរមានជ័យ ដឹកនាំដោយលោកឧត្តមសេនីយ៍ទោ ហួត សុធី ស្នងការនគរបាលខេត្តឧត្ដរមានជ័យ និងជាប្រធានគណៈកម្មាធិការ ស.អ.ក ខេត្ដ និងមានការចូលរួមអមដំណើរដោយ ក្រុមការងារគណៈកម្មាធិការ ស.អ.ក ក្រុងសំរោង ដឹកនាំដោយ លោក ផុន ចាន់និល អភិបាលក្រុង និងជាប្រធានកិត្តិយសគណៈកម្មាធិការ ស.អ.ក ក្រុង, ក្រុមការងារលេខាធិការដ្ឋាន ស.អ.ក ខេត្ត, ប្រធានកិត្តិយសសាខា ស.អ.កសង្កាត់សំរោង និងអាជ្ញាធរពាក់ព័ន្ធ សរុបចំនួន ១៧នាក់ បាននាំយកនូវថវិកាបេឡាមរណៈសង្គ្រោះ ចំនួន ៤,០០០,០០០ រៀល ទៅប្រគល់ជូនដល់គ្រួសារសពសមាជិកសមាគមអតីតយុទ្ធជនក្រុងសំរោង (ជនពិការ) ឈ្មោះ គឹម វុទ្ធី (ហៅសាន) ភេទប្រុស អាយុ ៦៦ឆ្នាំ អត្តលេខ៖ HA៩៣០០១៤៧៨ ដែលបានទទួលមរណៈភាព ដោយរោគាពាធ កាលពីថ្ងៃទី៣ ខែសីហា ឆ្នាំ២០២៣ វេលាម៉ោង ១៧និង៣០នាទី នៅភូមិពុរ សង្កាត់សំរោង ក្រុងសំរោង។
ឆ្លៀតក្នុងឱកាសដ៏សែនក្រៀមក្រំបំផុតនោះ លោកប្រធានគណៈកម្មាធិការ ស.អ.ក ខេត្ត ក៏បានសំណេះសំណាលរំលែកទុក្ខ និងអាននូវលិខិតចូលរួមមរណៈទុក្ខ របស់គណៈកម្មាធិការ ស.អ.ក ខេត្ត ជាកិច្ចចូលរួមរំលែកទុក្ខជាមួយក្រុមគ្រួសារនៃសព ព្រមទាំងបាននាំយកនូវគ្រឿងឧបភោគបរិភោគមាន៖ អង្ករ ៦០គីឡូក្រាម, ទឹកស៊ីអ៉ីវ ២យួរ និងទឹកត្រី ២យួរ ចូលរួមចាប់មគ្គផលក្នុងពិធីបុណ្យសពផងដែរ ៕
