អាវុធហត្ថខេត្តតាកែវ ឃាត់ខ្លួនមុខសញ្ញាជួញដូរគ្រឿងញៀនយ៉ាងសកម្មនៅស្រុកត្រាំកក់
ភ្នំពេញ៖ ដោយបានទទួលបទបញ្ជាពី លោកឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ និងសម្របសម្រួលនិវិធីដោយ ឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ នៅវេលាម៉ោង ១៥:០០នាទី ថ្ងៃទី៦ ខែសីហា ឆ្នាំ២០២៣ កម្លាំងមន្ទីរស្រាវជ្រាវ និងបង្ក្រាបបទល្មើស ដឹកនាំដោយ លោក វរសេនីយ៍ត្រី ចាន់ ជៀប អនុប្រធានមន្ទីរស្រាវជ្រាវ និងបង្ក្រាបបទល្មើស បានចុះបង្រ្កាបករណី គ្រឿងញៀន នៅ ចំណុច ភូមិ រំពាក់ពេន ឃុំឧត្តមសូរិយា ស្រុកត្រាំកក់ ខេត្តតាកែវ។
លទ្ធផល៖ ឃាត់ខ្លួនជនសង្ស័យបានម្នាក់ (ប្រុស)
ឈ្មោះ យ៉ាន វ៉ា ភេទប្រុស អាយុ ៤០ឆ្នាំ ជនជាតិខ្មែរ មុខរបរ មិនពិតប្រាកដ (ជួញដូរនិងរក្សាទុក ដោយខុសច្បាប់នូវសារធាតុញៀន) រស់នៅភូមិរំពាក់ពេន ឃុំឧត្តមសូរិយា ស្រុកត្រាំកក់ ខេត្តតាកែវ ។
ដករហូតវត្ថុតាង៖
១. ម្សៅក្រាមពណ៌សថ្លាចំនួន២៦កញ្ចប់ (ធំ០២) ទម្ងន់: ៣២,០៨ (ថ្លឹងទាំងសំបកថង់) ។
២.ជញ្ជីងថ្លឹងថ្នាំញៀនចំនួន ០១
៣. ម៉ូតូចំនួន ០១គ្រឿង ម៉ាកឡេត ពណ៌ស ផ្លាកលេខ កំពត 1Q 4787
៤.ទូរស័ព្ទ០៣ គ្រឿង ម៉ាកOppo ម៉ាកMi(ខូច) និងម៉ាកVipro(ខូច)
៥.ដែកកេះចំនួន ០៣
៦. សម្ភារៈចូកថ្នាំញៀនចំនួន០1
៧.សម្ភារៈវេចខ្ចប់និងសម្ភារៈសេពថ្នាំញៀនមួយចំនួន។
បច្ចុប្បន្ន ជនសង្ស័យនិងវត្ថុតាងត្រូវបានឃាត់ខ្លួន នៅទីបញ្ជាការ កងរាជអាវុធហត្ថខេត្តតាកែវ ការិយាល័យជំនាញកសាងសំណុំរឿងបញ្ជូនទៅតុលាការ៕
