រដ្ឋមន្រ្តីក្រសួងបរិស្ថាន ទទួលជួបសំណេះសំណាលជាមួយព្រឹទ្ធាចារ្យអ្នកនិពន្ធបទភ្លេងនិងទំនុកច្រៀង សាស្ត្រាចារ្យ និងសមាជិក សមាជិកានៃសមាគមអ្នកភ្លេង
ភ្នំពេញ៖ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន នាព្រឹកថ្ងៃទី៧ ខែសីហា ឆ្នាំ២០២៣ បានទទួលជួបសំណេះសំណាលជាមួយ លោក ឯល ប៊ុនណា ព្រឹទ្ធាចារ្យអ្នកនិពន្ធបទភ្លេងនិងទំនុកច្រៀង សាស្ត្រាចារ្យ និងសមាជិក សមាជិកានៃសមាគមអ្នកភ្លេង។
ឯកឧត្តមរដ្ឋមន្រ្តីបានថ្លែងអំណរគុណចំពោះ លោកព្រឹទ្ធាចារ្យ លោក លោកស្រីសាស្ត្រាចារ្យ សមាជិក សមាជិកា អំពីចក្ខុវិស័យ គោលបំណង ក្នុងការរក្សា អភិរក្សសិល្បៈវប្បធម៌ខ្មែរ ចែករំលែកនិងការផ្ទេរចំណេះដឹង ជូនទៅយុវជនជំនាន់ក្រោយ។
ឯកឧត្តមរដ្ឋមន្រ្តី មានប្រសាសន៍ណែនាំអោយជំរុញបន្ថែមលេីការផ្សព្វផ្សាយ ឈរលេីគោលការណ៍ ពលរដ្ឋកម្ពុជាជាពលរដ្ឋសាកល បេីកទូលាយចំពោះទស្សនថ្មីៗ ស្របទៅតាមការវិវឌ្ឍន៍នៃសង្គមជាតិ និងសាកលជារួម ព្រមទាំងបន្តរក្សាជំហរជាពលរដ្ឋខ្មែរដែលមានអរិយធម៌ វប្បធម៌ អភិរក្សមរតកពីដូនតា ជាពលរដ្ឋដែលមានចិត្តទូលំទូលាយ ផ្សារភ្ជាប់សិល្ប:ជាមួយយុវជននិងសង្គមជាតិថ្មី ប្រកបការច្នៃប្រឌិតខ្ពស់ ៕
