គ្រួសារមរណៈ ៤នាក់ ទទួលបានថវិកាសមាគមមិត្ត នគរបាលជាតិកម្ពុជា
ភ្នំពេញ៖ នៅស្នងការដ្ឋាននគរបាលខេត្តបន្ទាយមានជ័យ នាថ្ងៃទី៨ ខែសីហា ឆ្នាំ២០២៣ លោកឧត្តមសេនីយ៍ត្រី វង្ស វិត ស្នងការរង ទទួលផែនការងារធនធានមនុស្ស តំណាងលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានប្រគល់ថវិការបស់សមាគមមិត្តនគរនបាលជាតិកម្ពុជាចំនួន១៦លានរៀល ជូនដល់តំណាងគ្រួសារសពចំនួន ៤នាក់ ។ ពិធីនេះក៏មានការចូលរួមពីលោក នាយ លោកនាយរងការិយាល័យ បុគ្គលិកផងដែរ ។
ថ្លែងនាឱកាសនោះ លោកឧត្តមសេនីយ៍ត្រី វង្ស វិត តំណាងឲ្យលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងក្នុងនាមលោកផ្ទាល់ បានសំដែងនូវការចូលរួមមរណទុក្ខ និងសោកស្តាយយ៉ាងក្រៃ លែងជាមួយក្រុមគ្រួសារសព ដែលបានបាត់បង់ស្វាមី ភរិយា ជាទីគោរពស្រឡាញ់ដ៏ជ្រាលជ្រៅជាទីបំផុតដែលធ្លាប់រួមរស់រួមសុខរួមទុក្ខជាមួយគ្នានាគ្រាកន្លងមក ។
លោកឧត្តមសេនីយ៍ស្ងការរង បានបញ្ជាក់ថា៖ថវិកាដែលប្រគល់ជូននាពេលនេះ គឺជាថវិការបស់សមាគមមិត្តនគរបាលជាតិ ក្នុងនោះ១/-លោក សុខ ឈន (និវត្តជន) តំណាងគ្រួសារសពលោកស្រីព្រិន្ទបាលទោ ថង ថេង (និវត្តជន) ទឹកប្រាក់ចំនួន៦.០០០.០០០៛(ប្រាំមួយលានរៀលគត់)។ ២/-លោកស្រី ឈឹម សុន តំណាងគ្រួសារសពលោកព្រិន្ទបាលទោ សឿ យុត(និវត្តជន) ទឹកប្រាក់ចំនួន៦.០០០.០០០៛(ប្រាំមួយលានរៀលគត់)។ ៣/-លោក អ៊ូច សុវណ្ណ (និវត្តជន)តំណាងគ្រួសារសពលោកស្រី ព្រីង សុខុម ទឹកប្រាក់ចំនួន ២.០០០.០០០៛(ពីរលានរៀលគត់)។ ៤/-លោកអនុសេនីយ៍ទោ ព្រឿង ជីវ័ន្ត នាយរងប៉ុស្តិ៍ការពារព្រំដែនបូរីថ្មី វរសេនាតូចនគរបាលការពារព្រំដែនគោកលេខ៨៩១ ភរិយាមរណភាពទឹកប្រាក់ចំនួន ២.០០០.០០០៛(ពីរលានរៀលគត់) ៕
