ឧត្តមសេនីយ៍ឯក លន់ សុផាត ជួបសំណេះសំណាលជាមួយកងកម្លាំអង្គភាពអន្តរាគមន៍ និងអង្គភាពតម្រួតបទបញ្ជា

ភ្នំពេញ៖ ឯកឧត្តម ឧត្តមសេនីយ៍ឯក លន់ សុផាត អគ្គស្នងការរងនគរបាលជាតិ នៅថ្ងៃទី០៩ ខែសីហា ឆ្នាំ២០២៣ បានអញ្ជើញជួបសំណេះសំណាលជាមួយកងកម្លាំអង្គភាពអន្តរាគមន៍ និងអង្គភាពតម្រួតបទបញ្ជា និងបានផ្តល់ជាមតិថ្លែងអំណរគុណដល់អង្គភាពទាំងពីរ ដែលបានចូលរួមសហការការពារ សន្តិសុខ សណ្តាប់ធ្នាប់ សុវត្ថិភាពសង្គម និងពិធីបុណ្យជាតិធំៗ កន្លងមក ហើយព្រមទាំងបានផ្តល់អនុសាស្ត្រ អោយពង្រឹងការអនុវត្តភារកិច្ចបន្តទៀត និងត្រូតពិនិត្យជាក់ស្តែងការបាញ់គ្រាប់ពិត របស់មន្ត្រីអង្គភាពអន្តរាគមន៍។

ក្នុងឱកាសនោះឯកឧត្តម ឧត្តមសេនីយ៍ឯក លន់ សុផាត ក៏បានពាំនាំយកមកនូវអំណោយ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ជូនដល់អង្គភាពទាំងពីររួមមាន៖ អង្ក ២០តោន, មី ១០កេសធំ, ត្រីខ ១០កេស, ទឹកសុីអុីវ ១០យួរ និងថវិកា ៤លានរៀលផងដែរ ៕