នគរបាលស្រុកទ្រាំង ឃាត់ខ្លួនជនសង្ស័យម្នាក់ ករណីចាប់រំលោភសេពសន្ថវៈ លើកុមារចំនួនពីរនាក់
ភ្នំពេញ៖ កាលពីថ្ងៃទី០៩ ខែសីហាឆ្នាំ២០២៣ ផ្នែកជំនាញបានទទួលពាក្យបណ្តឹងពីឈ្មោះម៉ាត់ ករីអាយុ៣៥ឆ្នាំរស់នៅភូមិអណ្តែងសាំងជ្វា ឃុំជីខ្មា ស្រុកទ្រាំង ខេត្តតាកែវ(ខ្មែរអុីស្លាម)។
មុខរបរ ពលករ នៅប្រទេសថៃ ត្រូវជាឪពុកបង្កើតជនរងគ្រោះចំនួនពីរនាក់រួមមាន៖
១.ឈ្មោះម៉ាត់ រ៉ហ្សា ហៅស្រីស ភេទស្រី អាយុ១៣ឆ្នាំមុខរបរសិស្ស
២.ឈ្មោះម៉ាត់ ហ្វារីហ្សា ភេទស្រី អាយុ១១ឆ្នាំ មុខរបរសិស្ស។
ដោយកាលពីក្នុងខែមិថុនា ឆ្នាំ២០២៣មិនចាំថាថ្ងៃណាទេ ជនសង្ស័យ ឈ្មោះឌីន សេន ហៅម៉ានសេន ភេទប្រុស អាយុ៦២ឆ្នាំមានផ្ទះ របងជាមួយគ្នាជាមួយជនរងគ្រោះ ពិកាជើងម្ខាង បានអោយលុយជនរងគ្រោះទាំងពីរនាក់ចាយហូរហែ រួចក៏ហៅជនរងគ្រោះ ឈ្មោះម៉ាត់ ហ្វារីហ្សា ពីផ្ទះទៅរំលោភសេពសន្ថវៈ ចំនួនបីដង នៅក្នុងបន្ទប់ទឹកខាងក្រោយផ្ទះជនសង្ស័យពីរដង នឹងនៅលើក្រែក្នុងផ្ទះជនសង្ស័យមួយដង។
លុះមកដល់ក្នុងខែកក្កដា ឆ្នាំ២០២៣ មិនចាំថាថ្ងៃណាទេ ជនសង្ស័យឈ្មោះឌិន សេន បានហៅជនរងគ្រោះឈ្មោះម៉ាត់ រ៉ហ្សា ពីផ្ទះទៅក្នុងបន្ទប់ទឹករបស់គេដដែល រំលោភសេពសន្ថវះ បន្តបន្ទាប់បានសម្រេចចំនួនបីដង ដោយជនរងគ្រោះនៅផ្ទះជាមួយជីដូនអាយុជាង៧០ឆ្នាំហើយជនរងគ្រោះមានអាការៈមិនស្រួលទើបបែកធ្លាយ។
ដោយមានការសម្របសម្រួលនិតិវិធីពី ឯកឧត្តម ឯក ឆេងហួត ព្រះរាជអាជ្ញាអមសាលាដំបូង ខេត្តតាកែវ នៅថ្ងៃទី០៩
ខែសីហា ឆ្នាំ២០២៣ នៅវេលាម៉ោង១៦.០០នាទីផ្នែកជំនាញ ឃាត់ខ្លួនជនសង្ស័យឈ្មោះឌីន សេន ដើម្បីកសាងសំណុំរឿងតាមនិតិវិធី៕
