រដ្ឋបាលខេត្តកំពត ទទួលជួបជាមួយអតីតបុគ្គលិកក្រុមហ៊ុន ជា សារ៉ន ប្រមាណជិត ២០០នាក់ ដើម្បីស្តាប់នូវមូលហេតុ និងសំណូមពរផ្សេងៗពាក់ព័ន្ធនឹងប្រព័ន្ធច្បាប់
ភ្នំពេញ៖ ឯកឧត្ដម ម៉ៅ ធនិន អភិបាល នៃគណៈអភិបាលខេត្តកំពត និងឯកឧត្តម ញ៉ូវ សាឯម ប្រធានក្រុមប្រឹក្សាខេត្តកំពត នាព្រឹកថ្ងៃទី១២ ខែសីហា ឆ្នាំ២០២៣ បានទទួលជួបជាមួយអតីតបុគ្គលិកក្រុមហ៊ុន ជា សារ៉ន ប្រមាណជិត ២០០នាក់ ដើម្បីស្តាប់នូវមូលហេតុ និងសំណូមពរផ្សេងៗពាក់ព័ន្ធនឹងប្រព័ន្ធច្បាប់បានដំណើរការលើក្រុមហ៊ុន និងបុគ្គលិក។
ក្រោយពីបានស្តាប់នូវសាវតារឿង មូលហេតុ ក៏ដូចជាសំណូមពររបស់អតីតបុគ្គលិក ជា សារ៉ន រួចមក ឯកឧត្ដមអភិបាលខេត្ត បានផ្តល់នូវអនុសាសន៍ផ្សេងមួយចំនួនដើម្បីអោយអតីតបុគ្គលិកអនុវត្តន៍ ហើយទទួលយកនូវសំណូមពរមួយចំនួនដើម្បីធ្វើការពិចារណា និងដោះស្រាយនៅពេលក្រោយបន្តទៀត ៕
