គ្រោះថ្នាក់ចរាចរណ៍ទូទាំងប្រទេស បណ្តាលឲ្យមនុស្សស្លាប់ ០៦នាក់ និងរងរបួស ៣១នាក់ នៅថ្ងៃនេះ

ភ្នំពេញ៖ គោរពច្បាប់ចរាចរណ៍ស្មើនឹងគោរពជីវិតខ្លួនឯង! គ្រោះថ្នាក់ចរាចរណ៍ផ្លូវគោកទូទាំងប្រទេសនៅថ្ងៃទី១៤ ខែសីហា ឆ្នាំ២០២៣ បណ្តាលឲ្យមនុស្សស្លាប់ ០៦នាក់ របួសធ្ងន់ ២២នាក់ និងស្រាល ០៩នាក់។

យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ នៅថ្ងៃទី១៤ ខែសីហា បានបញ្ជាក់ថា គ្រោះថ្នាក់ដែលបង្កឲ្យមានមនុស្សស្លាប់ និងរបួសសរុបចំនួន ៣៧នាក់ គឺកើតឡើងដោយសារការប៉ះទង្គិច គ្នាចំនួន ១៤លើក មាន កត្តាល្បឿន ១៧លើក មិនគោរពសិទ្ធ ៣លើក បត់គ្រោះថ្នាក់ ០៥លើក ស្រវឹង ០១លើក និងកត្តាយាន ០១លើក ៕