រដ្ឋមន្រ្តីការពារជាតិ ឲ្យមន្រ្តីដែលទទួលមុខតំណែងថ្មី លើកកម្ពស់ប្រសិទ្ធភាពការងារ ពង្រឹងភាពជាអ្នកដឹកនាំ ប្រកបដោយការទទួលខុសត្រូវខ្ពស់
ភ្នំពេញ៖ សម្ដេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ បានណែនាំឲ្យនាយទាហាន ដែលទើបទទួលបានព្រះរាជក្រឹត្យ និងអនុក្រឹត្យ តែងតាំងមុខតំណែងថ្មី ត្រូវលើកកម្ពស់ប្រសិទ្ធភាពការងារ ពង្រឹងភាពជាអ្នកដឹកនាំ ប្រកបដោយការទទួលខុសត្រូវខ្ពស់ ។
សម្ដេច ទៀ បាញ់ បានបញ្ជាក់លើហ្វេសសប៊ុក នាថ្ងៃទី១៥ សីហានេះថា «សូមឯកឧត្តម អស់លោក នាយទាហាន ដែលទើបទទួលបាន ព្រះរាជក្រឹត្យ និងអនុក្រឹត្យតែងតាំង មុខតំណែងថ្មី ត្រូវលើក កម្ពស់ប្រសិទ្ធភាពការងារ ពង្រឹងភាពជាអ្នកដឹកនាំប្រកបដោការទទួលខុសត្រូវខ្ពស់ ក្នុងការបំពេញបេសកកម្ម ដែលរាជរដ្ឋាភិបាល និងក្រសួងការពារជាតិប្រគល់ជូន»៕
